സുനന്ദ പുഷ്‌കര്‍ കൊലപാതക കേസില്‍ മുന്‍ കേന്ദ്രമന്ത്രിയും എംപിയുമായ ശശി തരൂരിന്റെ സഹായികള്‍ നുണപറയുന്നതായി ഡല്‍ഹിപോലീസ് കോടതിയെ അറിയിച്ചു. ശശീതരൂരിന്റെ അടുത്ത മൂന്ന് സഹായികള്‍ കേസുമായി ബന്ധപ്പെട്ട വസ്തുതകള്‍ മറച്ചുവയ്ക്കാന്‍ ശ്രമിക്കുകയാമെന്നും അതിനാല്‍, മൂന്ന് പേരെയും നുണ പരിശോധനയക്ക് വിധേയരാക്കണമെന്നും പോലീസ് കോടതിയില്‍ ആവശ്യപ്പെട്ടു. ആവശ്യം പരിഗണിച്ച കോടതി ഇവര്‍ മെയ് 20 ഹാജരാവാന്‍ ആവശ്യപ്പെട്ട് സമന്‍സ് അയച്ചു. തരൂരിന്റെ വീട്ടു ജോലിക്കാരനായ നരേന്‍ സിംഗ്, െ്രെഡവര്‍ ബജ്രംഗി, സുഹൃത്ത് സഞ്ജയ് ദിവാന്‍ എന്നിവരെ നുണപരിശോധനയ്ക്ക് വിധേയനാക്കണമെന്നാണ് പോലീസ് ആവശ്യപ്പെട്ടത്. സുന്ദയുടെ മരണവുമായ ബന്ധപ്പെട്ട് അറിയാവുന്ന പല സംഭവങ്ങളും ഇവര്‍ മറച്ചുവയ്ക്കുന്നുവെന്നാണ് പോലീസ് പറയുന്നത്. 2014 ജനുവരി 17 ന് രാത്രി ഏഴ് മണിക്ക് സുനന്ദയെ മരിച്ച നിലയില്‍ കണ്ടെത്തുന്നതിനു തൊട്ടുമുമ്പ് ഹോട്ടല്‍ ലീലാ പാലസിന്റെ 345 ാം നമ്പര്‍ മുറിയില്‍ കുറച്ചുസമയം വൈദ്യുതി ബന്ധം വിഛേദിക്കപ്പെട്ടിരുന്നുവെന്ന കാര്യം ഇവര്‍ പറഞ്ഞിരുന്നില്ല. ഈ സമയം ഇവര്‍ തരൂരിനൊപ്പം ഹോട്ടലില്‍ ഉണ്ടായിരുന്നു എന്ന വസ്തുതയും ഉദാഹരണമായി ഡല്‍ഹി പോലീസ് ചൂണ്ടിക്കാട്ടി .

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha