ബിഹാര്‍ തെരഞ്ഞെടുപ്പില്‍ 119 സീറ്റുകളില്‍ മഹാസഖ്യം വിജയിച്ചുവെന്ന്​ ആര്‍.ജെ.ഡി. എന്നാല്‍, റി​ട്ടേണിങ്​ ഓഫീസര്‍മാര്‍ സര്‍ട്ടിഫിക്കറ്റുകള്‍ വിതരണം ചെയ്യുന്നില്ലെന്നും ആര്‍.ജെ.ഡി ആരോപിച്ചു. വിജയിച്ച സീറ്റുകളുടെ ലിസ്​റ്റ്​ ആര്‍.ജെ.ഡി പുറത്ത്​ വിട്ടിട്ടുണ്ട്​.

വിജയിച്ച സ്ഥാനാര്‍ഥികളെ തെരഞ്ഞെടുപ്പ്​ കമീഷന്‍ അഭിനന്ദിച്ചു. പക്ഷേ സര്‍ട്ടിഫിക്കറ്റ്​ മാത്രം നല്‍കിയില്ല. ഇത്തരം കൊള്ള ജനാധിപത്യത്തിന്​ ചേരുന്നതല്ല. 119 സീറ്റ്​ വിജയിച്ചിട്ടും ടി.വി ചാനലുകളില്‍ മഹാസഖ്യം 109 സീറ്റില്‍ മാത്രം വിജയിച്ചുവെന്നാണ്​ കാണിക്കുന്നതെന്നും ആര്‍.ജെ.ഡി പറഞ്ഞു​.എല്ലാ ഓഫീസുകളേയും സ്വാധീനിക്കാനുള്ള ശ്രമമാണ്​ നിതീഷ്​ കുമാര്‍ നടത്തുന്നതെന്നും ആര്‍.ജെ.ഡി ആരോപിച്ചു.