സാനിറ്ററി പാഡുകളില്‍ പേസ്​റ്റ്​ രൂപത്തില്‍ ഒരുകിലോയിലേറെ സ്വര്‍ണം ഒളിപ്പിച്ച്‌​ കടത്താന്‍ ശ്രമിച്ച രണ്ട്​ സ്​ത്രീകള്‍ അറസ്​റ്റില്‍. ചെന്നൈ ദൈവവാനി രാധാകൃഷ്​ണന്‍, പുതുക്കോട്ട വസന്തി രാമസാമി എന്നിവരാണ്​ കോയമ്ബത്തൂര്‍ അന്താരാഷ്​ട്ര വിമാനത്താവളത്തില്‍ 62.46 ലക്ഷം രൂപയുടെ സ്വര്‍ണവുമായി കസ്​റ്റംസ്​ പിടിയിലായത്​.

ഇവര്‍ ധരിച്ച പാഡില്‍ 1,195.6 ഗ്രാം സ്വര്‍ണമാണ്​ ഒളിപ്പിച്ചിരുന്നത്​. വ്യാഴാഴ്​ച പുലര്‍ച്ച ഷാര്‍ജയില്‍നിന്ന്​ എയര്‍ അറേബ്യ വിമാനത്തിലാണ്​ ഇവര്‍ കോയമ്ബത്തൂരിലെത്തിയത്​. ഇതേ വിമാനത്തിലെ മറ്റു മൂന്ന്​ യാത്രക്കാരില്‍നിന്ന്​ 100 ഗ്രാം സ്വര്‍ണവും മദ്യവും വിദേശ ബ്രാന്‍ഡ്​ സിഗരറ്റുകളും പിടികൂടി. ഇതിന്​ മൊത്തം 46 ലക്ഷം രൂപ വിലമതിപ്പുണ്ടെന്ന്​ കസ്​റ്റംസ്​ അധികൃതര്‍ അറിയിച്ചു. കേസ്​ ഡി.ആര്‍.​െഎക്ക്​ കൈമാറി.