മകള് കോഴ വാഗ്ദാനം ചെയ്തു പക്ഷെ ഉദ്യോഗസ്ഥര് കോഴ വാങ്ങിയില്ല, ഡല്ഹിയില് അഴിമതി കുറഞ്ഞുവെന്നതിന്റെ തെളിവാണ് ഇതെന്ന് അരവിന്ദ് കെജ്രിവാള്
അരവിന്ദ് കെജ്രിവാള് മുഖ്യമന്ത്രിയായതോടെ ഡല്ഹിയില് അഴിമതി കുറഞ്ഞോ?പലരും പരസ്പരം ചോദിക്കുന്ന ചോദ്യമാണിത്. എന്നാല് ഡല്ഹിയില് അഴിമതി കുറഞ്ഞുവെന്ന സ്ഥിരീകരണവുമായി കെജ്രിവാള് രംഗത്തെത്തിയിരിക്കുകയാണ്. അഴിമതിക്കെതിരെ ശക്തമായി ആഞ്ഞടിച്ചും സമരം ചെയ്തുമാണ് കെജ്രിവാള് ഡല്ഹി മുഖ്യമന്ത്രി സ്ഥാനത്ത് എത്തിയത്.
അത് കൂടാതെ ആം ആദ്മി ഇപ്പോള് വിവാദങ്ങളുടെ വഴിയില് കൂടിയാണ് സഞ്ചരിക്കുന്നത്. സ്വന്തം മകള്ക്കുണ്ടായ അനുഭവത്തെ തുടര്ന്ന് കെജ്രിവാള് സമ്മതിക്കുകയാണ് ഡല്ഹിയില് അഴിമതി കുറഞ്ഞുവെന്ന്. ഡ്രൈവിങ് ലൈസന്സ് എളുപ്പത്തില് ലഭിക്കുന്നതിന് തന്റെ മകള് ഹര്ഷിദ അധികൃതര്ക്ക് കൈക്കൂലി വാഗ്ദാനം ചെയ്തിരുന്നുവെന്നാണ് കെജ്രിവാള് ജനങ്ങളോടായി പറഞ്ഞത്.
പക്ഷെ, ഉദ്യോഗസ്ഥര് കൈകൂലി വാങ്ങിയില്ല. ഒരു പൊതു പരിപാടിയില് പങ്കെടുത്ത ശേഷം സംസാരിക്കുകയായിരുന്നു അദ്ദേഹം. ഡ്രൈവിങ് ലൈസന്സ് ലഭിക്കുന്നതിന് മുന്നോടിയായുള്ള ലയണേഴ്സില് പങ്കെടുക്കുന്നതിന് ഇടയിലാണ് സംഭവം. മുഖ്യമന്ത്രിയുടെ മകളാണെന്ന അവകാശവാദമുന്നയിക്കാതെ ഹര്ഷിദ തന്റെ ഉഴത്തിനായി കാത്തിരുന്നു.
തനിക്കുള്ള അവസരമെത്തിയപ്പോള് ഹര്ഷിദ അധികൃതര്ക്ക് സമീപമെത്തി ലയണേഴ്സിനുള്ള ഒരു രേഖ താന് കൊണ്ടുവന്നിട്ടില്ലെന്ന് അറിയിച്ചു. എങ്കില് ലയണേഴ്സില് പങ്കെടുക്കാന് കഴിയില്ലെന്നായിരുന്നു അധികൃതരുടെ മറുപടി. എന്നാല് തനിക്ക് തിരക്കുണ്ടെന്നും പണം നല്കാമെന്നും ഹര്ഷിദ പറഞ്ഞു.
ഈ സമയം ഹര്ഷിദ ക്യാമറ ഉപയോഗിച്ച് ദൃശ്യങ്ങള് പകര്ത്തുന്നുണ്ടോ എന്നാണ് അധികൃതര് ശ്രദ്ധിച്ചത്. തുടര്ന്ന് പണം നിരസിച്ച അധികൃതര് ഹര്ഷിദയെ മടക്കി അയക്കുകയാണ് ചെയ്തതു. ഹര്ഷിദ നിമിഷങ്ങള്ക്കകം മടങ്ങിയെത്തി തന്റെ കൈവശമുണ്ടായിരുന്ന രേഖ അധികൃതര്ക്ക് കൈമാറി. ഹര്ഷിദ കളവ് പറഞ്ഞതാണെന്നു മനസിലാക്കിയ അധികൃതര് രേഖയില്നിന്നാണ് തന്റെ മകളാണെന്ന കാര്യം തിരിച്ചറിഞ്ഞതെന്നും കെജ്രിവാള് പറഞ്ഞു.
ഇത് സംസ്ഥാനത്തെ അഴിമതികള് കുറഞ്ഞു എന്നതിന്റെ തെളിവാണ് ഇതെന്നും കെജ്രിവാള് പറഞ്ഞു. അഴിമതിയുമായി ബന്ധപ്പെട്ട് എവിടെയെങ്കിലും എന്തെങ്കിലും അറിഞ്ഞാല് ഉടന് അധികൃതരെ അറിയിക്കണമെന്നും കെജ്രിവാള് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
