നരേന്ദ്ര മോഡിയുടെ ഭരണത്തിന്‍ കീഴില്‍ അഴിമതിരഹിത രാജ്യമായി ഇന്ത്യ മാററുന്നു എന്നതിന് തെളിവ്. കഴിഞ്ഞ പതിനെട്ടു വര്‍ഷത്തിനിടെ ആദ്യമായി ചൈനയേക്കാള്‍ അഴിമതി കുറഞ്ഞ രാജ്യമായി ഇന്ത്യ മാറി. ഗ്ലോബല്‍ വാച്ച് ഡോഗ് ട്രാന്‍സ്പരന്‍സി ഇന്റര്‍നാഷണലിന്റെ സര്‍വെയിലാണ് ഈ കണ്ടെത്തല്‍.
നരേന്ദ്ര മോഡി അധികാരത്തില്‍ ഇരിക്കുന്നതു തന്നെയാണ് ഇന്ത്യയുടെ നേട്ടത്തിനു കാരണമെന്ന വിലയിരുത്തലാണ് സര്‍വെ നടത്തിയിരിക്കുന്നത്. 175 രാജ്യങ്ങളിലാണ് സംഘടന വാര്‍ഷിക സര്‍വെ നടത്തിയത്. ഇതിലാണ് 1996നുശേഷം ചൈനയെ മറികടന്ന് ഇന്ത്യ മുന്നിലെത്തിയത്.
അഴിമതിരഹിത രാജ്യങ്ങളുടെ പട്ടികയില്‍ 95ാം സ്ഥാനത്തു നിന്ന് 85 ആയാണ് ഇന്ത്യ ഉയര്‍ന്നത്. അതേസമയം പട്ടികയില്‍ ചൈന ഇരുപത് പടികളാണ് പിന്നോട്ടു പോയത്. എണ്‍പതില്‍ നിന്ന് നൂറാം സ്ഥാനത്തേക്കാണ് ചൈന പതിച്ചത്. 200607 കാലഘട്ടത്തില്‍ ഇന്ത്യയും ചൈനയും ഏറെക്കുറെ ഒരുപോലെ ആയിരുന്നെങ്കിലും ചൈനയെ മറികടക്കാന്‍ ഇന്ത്യക്ക് ആയിരുന്നില്ല. ഇന്ത്യയില്‍ മോഡി ഭരണം അഴിമതിയുടെ തീവ്രത കുറച്ചു കൊണ്ടുവരുമ്പോള്‍ ചൈനയില്‍ അഴിമതി വര്‍ധിച്ചുവരുന്നുവെന്നാണ് ഇത്തവണത്തെ സര്‍വെ ഫലം വെളിപ്പെടുത്തുന്നത്.
പൊതുമേഖലയിലെ ഇടപാടുകളും ബാങ്കിങ് മേഖലയിലെ ചലനങ്ങളും പരിശോധിച്ചാണ് അഴിമതി രഹിത രാജ്യങ്ങളുടെ പട്ടിക തയ്യാറാക്കുന്നത്. ഏത് രാജ്യത്ത് നിക്ഷേപം ഇറക്കണമെന്നതുള്‍പ്പെടെയുള്ള കാര്യങ്ങളില്‍ ആഗോള വ്യവസായ ഭീമന്മാര്‍ തീരുമാനം എടുക്കുന്നത് ഈ പട്ടിക കൂടി കണക്കിലെടുത്താണ് എന്നതും ഇന്ത്യക്കു നേട്ടമാകും.
അഴിമതിരഹിതരാജ്യങ്ങളില്‍ ഈ വര്‍ഷവും ഒന്നാം സ്ഥാനത്തുള്ളത് ഡെന്മാര്‍ക്കാണ്. ന്യൂസിലന്‍ഡാണ് പട്ടികയില്‍ ഒന്നാമതുള്ളത്. അഴിമതിരഹിത രാജ്യങ്ങളില്‍ ഇന്ത്യക്കൊപ്പമാണ് ശ്രീലങ്കയും. പാക്കിസ്ഥാനും നേപ്പാളും 126ാം സ്ഥാനത്താണുള്ളത്. ഭൂട്ടാന്‍ 30ാം സ്ഥാനത്തെത്തി. പട്ടികയിലെ അവസാനരാജ്യം സൊമാലിയയാണ്.
വിവിധ അഴിമതിക്കേസുകളില്‍ കുറ്റാരോപിതരായ രാഷ്ട്രീയ നേതാക്കളെ അഴിക്കുള്ളിലാക്കാന്‍ കഴിഞ്ഞതാണ് ഇന്ത്യക്കുണ്ടായ മുന്നേറ്റത്തിന്റെ പ്രധാന കാരണമെന്നാണ് ചൂണ്ടിക്കാണിക്കപ്പെടുന്നത്. വിവാദമുയര്‍ത്തിയ ടു ജി സ്‌പെക്ട്രം, കല്‍ക്കരി അഴിമതി കേസുകളില്‍ ഉന്നത ഉദ്യോഗസ്ഥരെയും രാഷ്ട്രീയക്കാരെയും പ്രോസിക്യൂട്ട് ചെയ്യാനുള്ള നടപടികള്‍ സര്‍വെയില്‍ ഇന്ത്യക്കു ലഭിച്ച പോയിന്റുകളില്‍ വര്‍ധനയുണ്ടാക്കി.
ബെര്‍ലിന്‍ ആസ്ഥാനമായ സംഘടന കഴിഞ്ഞ ബുധനാഴ്ചയാണ് പുതിയ പട്ടിക പുറത്തുവിട്ടത്. കൈക്കൂലി നിരോധന ബില്‍, അഴിമതിവിരുദ്ധ ബില്ലിന്റെ നവീകരിക്കല്‍ തുടങ്ങിയ കാര്യങ്ങളും ഇന്ത്യക്ക് അനുകൂലമായ ഘടകങ്ങളാണ്. ലോക്‌സഭ തെരഞ്ഞെടുപ്പില്‍ അഴിമതി പ്രശ്‌നം മുഖ്യ വിഷയമായി ഉയര്‍ത്തിക്കാട്ടിയ ബിജെപി അധികാരത്തിലേറിയതു തന്നെയാണ് പട്ടികയില്‍ ഇന്ത്യക്കുള്ള മുന്നേറ്റത്തിന് പ്രധാന കാരണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha