മാധ്യമപ്രവര്‍ത്തകര്‍ സ്വന്തമായി കള്ളം ചമയ്ക്കുന്നവരും നികൃഷ്ടരുമെന്ന് മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ ശശിതരൂര്‍. കഴിഞ്ഞവര്‍ഷം നടന്ന സുനന്ദാ പുഷ്‌ക്കറുടെ ദുരൂഹമരണവുമായി ബന്ധപ്പെട്ട തെളിവുകളേക്കുറിച്ച് ബുധനാഴ്ച മാധ്യമങ്ങള്‍ ഉന്നയിച്ച ചോദ്യത്തിനായിരുന്നു തരൂരിന്റെ മറുപടി.
പോലീസിനോടും അന്വേഷണോദ്യോഗസ്ഥരോടും മാത്രമാണ് തനിക്ക് മറുപടി പറയേണ്ടത്. അല്ലാതെ സ്വയംപ്രഖ്യാപിത കള്ളന്മാരോടല്ലെന്നും ചില ചാനലുകള്‍ തന്നെ ചോദ്യങ്ങളില്‍ നിന്നും ഒഴിഞ്ഞുമാറുന്നയാളായി മുദ്രകുത്തുകയാണെന്നും പറഞ്ഞു. സ്വകാര്യദു:ഖത്തില്‍ നിന്നും നേട്ടമുണ്ടാക്കുന്നവരായി ഇവര്‍ മാറിയതോടെയാണ് 17 വര്‍ഷം നീണ്ട മൗനം താനും വെടിഞ്ഞതെന്ന് അദ്ദേഹം ട്വിറ്ററില്‍ കുറിച്ചു.
സുനന്ദാകേസില്‍ തരൂരിന്റെ മൂന്ന് സുഹൃത്തുക്കളെ നുണപരിശോധനയ്ക്ക് വിധേയമാക്കാന്‍ ഡല്‍ഹിപോലീസിന് ഇന്നലെ കോടതി അനുമതി നല്‍കിയ പശ്ചാത്തലത്തിലായിരുന്നു പ്രതികരണം. കേസില്‍ ഇതുവരെ മൂന്ന് തവണ തരൂരിനെ പോലീസ് ചോദ്യം ചെയ്തു. കഴിഞ്ഞ വര്‍ഷം ജനുവരി ആദ്യമായിരുന്നു സുനന്ദാപുഷ്‌ക്കറിനെ ഹോട്ടലില്‍ മരിച്ച നിലയില്‍ കണ്ടെത്തിയത്. ഈ വര്‍ഷം ജനുവരിയിലാണ് വിഷം ഉള്ളില്‍ച്ചെന്നതാണ് മരണകാരണമായി കണ്ടെത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha