പൊതു മുതല്‍ നശിപ്പിക്കാന്‍ ഇറങ്ങിത്തിരിക്കുന്നവരെ പെടുത്താന്‍ പുതിയ നിയമം വരുന്നു. ഇനി അവര്‍ക്ക് എന്തും ചെയ്യുന്നതിന് മുമ്പ് രണ്ടു വട്ടം ആലോചിക്കാം. മോദി കൊണ്ടു വരാനുദ്ദേശിക്കുന്ന ബില്‍ പ്രകാരം പൊതുമുതല്‍ നശിപ്പിക്കുന്ന നേതാക്കളെ പോട്ടയില്‍ പെടുത്തി അകത്താക്കാനാണ് വ്യവസ്ഥ ചെയ്യുന്നത്. നശിപ്പിക്കുന്ന മുതലിന്റെ മാര്‍ക്കറ്റ് വില കണക്കാക്കി അത് നേതാക്കളില്‍ നിന്ന് ഈടാക്കുകയും ചെയ്യും. മോദി സര്‍ക്കാരിന്റെ ഈ മാതൃകാപരമായ ബില്‍ ജനങ്ങളുടെ കൈയടി നേടുന്നുണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
പ്രിവന്‍ഷന്‍ ഓഫ് ഡിസ്ട്രക്ഷന്‍ ഓഫ് പബ്ലിക് പ്രോപ്പര്‍ട്ടി ആക്ട് ഭേദഗതി ചെയ്യുന്നതുമായി ബന്ധപ്പെട്ട ആദ്യ കരട് ഇന്നലെ പുറത്തിറക്കുന്നതിനിടെ അഭ്യന്തരമന്ത്രാലയമാണ് ഇക്കാര്യങ്ങള്‍ വെളിപ്പെടുത്തിയിരിക്കുന്നത്. പൊതുജനങ്ങളുടെ അഭിപ്രായങ്ങള്‍ അറിയാന്‍ വേണ്ടിയാണിത് വെളിപ്പെടുത്തിയിരിക്കുന്നത്. ഇതിനോട് ഭൂരിഭാഗവും ജനങ്ങളും യോജിപ്പ് പ്രകടിപ്പിക്കുകയും ചെയ്തിട്ടുണ്ടെന്നാണ് റിപ്പോര്‍ട്ട്.
ഈ ബില്‍ നിലവില്‍ വരുന്നതോടെ റോഡുകളില്‍ പ്രതിഷേധസമരം നടത്തുന്നവര്‍ സര്‍ക്കാര്‍ ബസുകള്‍ കത്തിക്കുന്നതിന് മുമ്പ് രണ്ടു വട്ടം ആലോചിക്കുന്നത് നന്നായിരിക്കും. ഇതു പ്രകാരം ഒരു പ്രതിഷേധ സമരത്തിനിടെ കലാപം പൊട്ടിപ്പുറപ്പെട്ടാലും പൊതുമുതല്‍ നശിപ്പിക്കപ്പെട്ടാലും അതിന് ഉത്തരവാദികളായ രാഷ്ട്രീയ സംഘടനുടെയോ വിദ്യാര്‍ത്ഥി സംഘനടയുടേയോ നേതൃത്വത്തെയൊന്നാകെ ജയിലിലിടാനാകും. തങ്ങളുടെ അറിവിലല്ല ഈ അനിഷ്ട സംഭവങ്ങള്‍ അരങ്ങേറിയതെന്ന് കോടതിയില്‍ ബോധിപ്പിക്കേണ്ട ഉത്തരവാദിത്വം അവര്‍ക്കോരോരുത്തര്‍ക്കും ഉണ്ടാവുകയും ചെയ്യും.
ഇത്തരത്തില്‍ പൊതുമുതല്‍ നശിപ്പിക്കുന്നവര്‍ക്ക് അഞ്ച് വര്‍ഷം വരെ ജയില്‍ ശിക്ഷയും പിഴയും ലഭ്യമാക്കാനാണ് പുതിയ ബില്‍ വ്യവസ്ഥ ചെയ്യുന്നത്. ഇത്തരം നശീകരണം ഒരു നിര്‍മ്മാണ യൂണിറ്റുമായോ, ജലവിതരണസംവിധാനമായോ ഊര്‍ജവിതരണ സംവിധാനവുമായോ, ബന്ധപ്പെട്ടതാണെങ്കില്‍ ജയില്‍ ശിക്ഷ 10 വര്‍ഷമായി ഉയരുകയും ചെയ്യും. ഇതു സംബന്ധിച്ച നിര്‍ദേശങ്ങള്‍ പരിഗണനയിലാണെന്നാണ് അഭ്യന്തരമന്ത്രാലയത്തിലെ ജോയിന്റ് സെക്രട്ടറിയായ കുമാര്‍ അലോക് പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha