കർഷക സമരം കൈവിട്ടുപോകുന്നു ;ലോക പ്രശസ്തർ പ്രതികരണവുമായി രംഗത്ത് ;;സർക്കാർ സെലിബ്രിറ്റികളെ' വിമർശിച്ച് പ്രശാന്ത് ഭൂഷണും തപ്സിയും
കര്ഷക സമരത്തെ പിന്തുണച്ച പോപ് ഗായിക റിഹാനയ്ക്കെതിരെ രംഗത്തെത്തിയ സച്ചിന് ടെന്ഡുല്ക്കറെ പരിഹസിച്ച് മുതിര്ന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷണ്. കര്ഷകര് സമരം ചെയ്യുമ്പോഴും ബി.ജെ.പിക്കാര് അവര്ക്ക് നേരെ കല്ലെറിഞ്ഞപ്പോഴും മിണ്ടാതിരുന്നവര് റിഹാനയും ഗ്രേറ്റയും സംസാരിക്കാന് തുടങ്ങിയപ്പോള് മിണ്ടി തുടങ്ങിയെന്ന് പ്രശാന്ത് ഭൂഷണ് പറഞ്ഞു.‘ വമ്പന്മാരായ ഇന്ത്യന് സെലിബ്രിറ്റികളായ ഇവരെല്ലാം കര്ഷകര് സമരം ചെയ്തപ്പോഴും, അവര്ക്ക് വൈദ്യുതി ഇല്ലാതാക്കിയപ്പോഴും, ഇന്റര്നെറ്റ് വിച്ഛേദിച്ചപ്പോഴും, ബി.ജെ.പിക്കാര് അവര്ക്ക് നേരെ കല്ലെറിഞ്ഞപ്പോഴും മിണ്ടാതിരിക്കുകയായിരുന്നു. റിഹാനയും ഗ്രേറ്റയും മിണ്ടിതുടങ്ങിയപ്പോള് അവരും സംസാരിക്കുന്നു. നട്ടെല്ലില്ലാത്ത, ഹൃദയമില്ലാത്ത സര്ക്കാര് സെലിബ്രിറ്റികള്’, പ്രശാന്ത് ഭൂഷണ് ട്വീറ്റ് ചെയ്തു.രാജ്യത്തെ ജനങ്ങള്ക്ക് ഇന്ത്യയെന്താണെന്ന് അറിയാമെന്നും പുറമേ നിന്നുള്ളവരുടെ അഭിപ്രായപ്രകടനം നിയന്ത്രിക്കണമെന്നുമായിരുന്നു സച്ചിന് പറഞ്ഞത്. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.
‘ഇന്ത്യയുടെ പരമാധികാരം ആര്ക്കുമുന്നിലും വിട്ടുവീഴ്ച ചെയ്യപ്പെടില്ല. പുറത്തുനിന്നുള്ളവര്ക്ക് കാഴ്ചക്കാരാകാം. രാജ്യത്തിന്റെ പ്രതിനിധികളാകാന് ശ്രമിക്കരുത്. ഇന്ത്യയെന്താണെന്ന് രാജ്യത്തെ ജനങ്ങള്ക്ക് നന്നായി അറിയാം’, എന്നായിരുന്നു സച്ചിന് ട്വിറ്ററിലെഴുതിയത്.കേന്ദ്രം പാസാക്കിയ കാര്ഷിക നിയമങ്ങള്ക്കെതിരെ രണ്ടുമാസത്തിലേറെയായി സമരം ചെയ്യുന്ന കര്ഷകരെ പിന്തുണച്ചുകൊണ്ട് പോപ് ഗായിക റിഹാന കഴിഞ്ഞ ദിവസം ട്വീറ്റ് ചെയ്തിരുന്നു. ഇത് വലിയ രീതിയില് ചര്ച്ചയാകുകയും ചെയ്തതോടെ നിരവധി പേര് റിഹാനയെ പിന്തുണച്ചും വിമര്ശിച്ചും രംഗത്തെത്തിയിരുന്നു.കര്ഷക സമരം അടിച്ചമര്ത്തുന്നതിന്റെ ഭാഗമായി കേന്ദ്രസര്ക്കാര് ദല്ഹി അതിര്ത്തികളില് ഇന്റര്നെറ്റ് സൗകര്യം വിഛേദിച്ചതിനെതിരെയും റിഹാന രൂക്ഷവിമര്ശനമുയര്ത്തിയിരുന്നു. ഇതിന് പിന്നാലെ റിഹാനയ്ക്കെതിരെ സൈബര് ആക്രമണവുമായി സംഘപരിവാര് സംഘടനകളും രംഗത്തെത്തിയതോടെ വിഷയം ആഗോളതലത്തില് ചര്ച്ചയാകുകയായിരുന്നു.റിഹാനയുടെ വംശം, നിറം തുടങ്ങിയവയ്ക്കെതിരെയാണ് ട്വിറ്ററില് അധിക്ഷേപം നടന്നത് അടിമത്വത്തെ ന്യായീകരിച്ചു പോലും റിഹാനയ്ക്കെതിരെ ആക്രമണം നടന്നിരുന്നു. ഇവയില് പലതും പ്രസിദ്ധീകരണ യോഗ്യം പോലുമല്ല.റിഹാനയുടെ ട്വീറ്റിന് പിന്നാലെ അവരെ ആക്രമിച്ച മുന്പങ്കാളി ക്രിസ് ബ്രൗണ് ട്വിറ്ററില് ട്രെന്ഡിങ്ങായിരുന്നു. 2009ലാണ് ക്രിസ് ബ്രൗണ് റിഹാനയെ ശാരീരികമായും മാനസികമായും പീഡിപ്പിച്ചത് അന്താരാഷ്ട്രതലത്തില് വാര്ത്തയായത്. ഈ ഗാര്ഹിക പീഡനങ്ങളെ ന്യായീകരിച്ചും ട്വിറ്ററില് നിരവധി ട്വീറ്റുകളാണ് പ്രത്യക്ഷപ്പെടുന്നത്.‘എന്തുകൊണ്ടാണ് ഇതേപ്പറ്റി നമ്മള് സംസാരിക്കാത്തത്?,’ എന്നായിരുന്നു farmersprotest എന്ന ഹാഷ്ടാഗോട് കൂടി റിഹാന ട്വീറ്റ് ചെയ്തത്.റിഹാനയ്ക്ക് പിന്നാലെ പരിസ്ഥിതി പ്രവര്ത്തക ഗ്രേറ്റ തന്ബര്ഗ്, അമേരിക്കന് വൈസ് പ്രസിഡന്റ് കമല ഹാരിസിന്റെ മരുമകള് മീന ഹാരിസ് തുടങ്ങിയവര് കര്ഷക പ്രതിഷേധത്തിന് പിന്തുണയുമായി രംഗത്തെത്തിയിരുന്നു. ഇതിനോടൊപ്പം തന്നെ ഇവര് ഇന്റര്നെറ്റ് സസ്പെന്ഡ് ചെയ്തതുള്പ്പെടെയുള്ള കേന്ദ്ര സര്ക്കാരിന്റെ നടപടികളെ രൂക്ഷമായി വിമര്ശിക്കുകയും ചെയ്തിരുന്നു.സ്റ്റോപ്പ് കില്ലിങ്ങ് ഫാര്മേഴ്സ് എന്ന ചിത്രം പങ്കുവെച്ചുകൊണ്ടായിരുന്നു വിഷയത്തില് പ്രതികരണവുമായി മീനാ ഹാരിസ് മുന്നോട്ട് വന്നത്.അതെ സമയം കര്ഷക സമരത്തെ പിന്തുണച്ച പോപ് ഗായിക റിഹാനയ്ക്കെതിരെ രംഗത്തെത്തിയ സച്ചിന് ടെന്ഡുല്ക്കര് അടക്കമുള്ളവര്ക്കെതിരെ വിമര്ശനവുമായി നടി തപ്സി പന്നു.
പ്രൊപ്പഗാണ്ട ടീച്ചറാകരുത് എന്ന് തപ്സി ട്വിറ്ററിലൂടെ ആവശ്യപ്പെട്ടു. ഒരു ട്വീറ്റ് നിങ്ങളുടെ ഐക്യത്തെ ചൂഷണം ചെയ്യുകയാണെങ്കില്, ഒരു തമാശ നിങ്ങളുടെ വിശ്വാസത്തെ ചൂഷണം ചെയ്യുന്നു അല്ലെങ്കില് ഒരു ഷോ നിങ്ങളുടെ മതവിശ്വാസത്തെ ചൂഷണം ചെയ്യുന്നുവെങ്കില്, നിങ്ങളുടെ മൂല്യവ്യവസ്ഥയെ ശക്തിപ്പെടുത്തുന്നതിനായി പ്രവര്ത്തിക്കേണ്ടത് നിങ്ങളാണ്, മറ്റുള്ളവർ എന്ത് പറയണം എന്ന് പഠിപ്പിക്കുന്ന പ്രൊപഗാണ്ട ടീച്ചറാകരുത് എന്നായിരുന്നു തപ്സിയുടെ ട്വീറ്റ്.
"
https://www.facebook.com/Malayalivartha
