ഭാര്യയെ കുത്തികൊലപ്പെടുത്താൻ ശ്രമിച്ച യുവാവിനെ കോടതി ശിക്ഷിച്ചു. എട്ടു വർഷത്തെ തടവ് ശിക്ഷയാണ് യുവാവിന് കിട്ടിയിരിക്കുന്നത്. കുത്തി കൊലപ്പെടുത്താൻ ശ്രമിച്ചതിന്റെ കാരണം കേട്ട് ഞെട്ടിയിരിക്കുകയാണ് എല്ലാവരും . യുവാവ് മദ്യലഹരിയിൽ കാട്ടിക്കൂട്ടിയ കോപ്രായങ്ങൾ ഇതൊക്കെ ആയിരുന്നു. തൈര്​ കഴിച്ചതിന്​ ഭാര്യയെ കുത്തിക്കൊലപ്പെടുത്താന്‍ ശ്രമിക്കുകയായിരുന്നു. 2019 ലാണ്​ കേസിനാസ്​പദമായ സംഭവം നടന്നത് . മദ്യപാനിയായ സചിന്‍ എന്നയാളെയാണ്​ മുംബൈയിലെ സെഷന്‍സ്​ കോടതി ശിക്ഷ നല്‍കിയത്​.

സംഭവ ദിവസം മദ്യ ലഹരിയില്‍ വീട്ടിലെത്തിയ പ്രതി അമ്മ കൊടുത്തുവിട്ട തൈര്​ കഴിക്കുന്നത് കണ്ടു. പൂച്ച തൈര്​ കഴിച്ച പോലുണ്ടെന്നായിരുന്നു ഇത്​ കണ്ട സചിന്‍റെ മറുപടി​. തന്നെ പൂച്ചയുമായി താരതമ്യം ചെയ്​തത്​ എന്തിനാണെന്ന്​ രഞ്​ജന ചോദിച്ചത്​ സചിന്​ ഇഷ്​ടമായില്ല. ഇരുവരും തമ്മില്‍ വഴക്കായതോടെ സചിന്‍ രഞ്​ജനയെ ​മര്‍ദ്ദിക്കാന്‍ ആരംഭിച്ചു. കാരണം തിരക്കിയ യുവതിയെ സചിന്‍ മര്‍ദ്ദിച്ചുകൊണ്ടിരുന്നു. ശേഷം സമീപത്ത്​ കിടന്നിരുന്ന കത്തിയെടുത്ത്​ വയറില്‍ കുത്തുകയായിരുന്നു ഉണ്ടായത്.

യുവതി നിലവിളിച്ചതോടെ വീട്ടുടമസ്​ഥന്‍റെ മരുമകന്‍ സ്​ഥലത്തെത്തി യുവതിയെ രക്ഷിച്ചു . ആളുകള്‍ കൂടിയതോടെ സചിന്‍ സ്ഥലത്ത് നിന്നും മുങ്ങി. സമീപത്ത്​ താമസിക്കുന്ന സഹോദരിയാണ്​ അവരെ ആശുപത്രിയിലെത്തിച്ചത്​. പരിക്കേറ്റ രണ്ട്​ കുട്ടികളുടെ മാതാവായ രഞ്​ജന ഒരുമാസത്തെ ചികിത്സക്ക്​ ശേഷം ​ ആശുപത്രി വിട്ടു ​. കൊലപാതകശ്രമത്തിന്​ പിന്നീട്​ അറസ്റ്റിലായ സചിനെ ജയിലിലടച്ചു . തൊഴില്‍ രഹിതനായ ഇയാള്‍ മദ്യപിച്ചെത്തി സ്​ഥിരമായി ബഹളമുണ്ടാക്കുകയും മര്‍ദ്ദിക്കുകയും ചെയ്യാറുണ്ടെന്ന്​ യുവതി കോടതിയില്‍ മൊഴി നല്‍കി. ജോധ്​പൂരിലായിരുന്ന ഭാര്യയുടെ ശരീരത്തിലേക്ക്​ സ്റ്റീല്‍ റാക്ക്​ മറിഞ്ഞാണ്​ പരിക്കേറ്റതെന്ന്​ പ്രതി കോടതിയില്‍ വാദിച്ചു . പക്ഷേ കോടതി അംഗീകരിച്ചില്ല.