മധ്യപ്രദേശിനെ മദ്യനിരോധനത്തിലേക്കെത്തിക്കുന്നതിനുളള പരിശ്രമമാണ്​ സര്‍ക്കാര്‍ നടത്തുനനതെന്ന്​ മുഖ്യമന്ത്രി ശിവരാജ്​ സിങ്​ ചൗഹാന്‍. മധ്യപ്ര​ദേശിനെ മികച്ച സംസ്ഥാനമാക്കുന്നതിനായി ജനങ്ങ​ളോട്​ മദ്യം കഴിക്കരുതെന്ന്​ ആവശ്യപ്പെടുന്ന പ്രചരണപരിപാടിക്ക്​ ഉടന്‍ തുടക്കം കുറിക്കുമെന്നും അദ്ദേഹം കൂട്ടി​ച്ചേര്‍ത്തു.

നമുക്ക്​ മധ്യപ്രദേശിനെ മദ്യ വിമുക്ത സംസ്ഥാനമാക്കി മാറ്റണം. അത്​ മദ്യ നിരോധനം കൊണ്ടുമാത്രം നടപ്പാവില്ല. ജനങ്ങള്‍ വാങ്ങാനുണ്ടെങ്കില്‍ മദ്യ വിതരണം നടക്കും. നമ്മള്‍ ഒരു മദ്യ വിമുക്ത പ്രചരണ പരിപാടി നടത്തും. അങ്ങനെ ജനങ്ങള്‍ മദ്യത്തിന്റെ ഉപഭോഗം കുറക്കുകയും നമ്മള്‍ നല്ല സാംസ്ഥാനമായി മാറുകയും ചെയ്യും. നമ്മള്‍ ഇതിനൊരു പരിഹാരം കാണണം.'' -ചൗഹാന്‍ പറഞ്ഞു.

അടുത്ത മൂന്ന്​ വര്‍ഷത്തേക്ക്​ കാട്​നി ജില്ലയിലെ എല്ലാ ഗ്രാമീണ ഭവനങ്ങളിലും ടാപ്പുകള്‍ സ്ഥാപിക്കുകയും അതിലൂടെ ശുദ്ധമായ കുടിവെള്ളം എത്തിക്കുമെന്നും അദ്ദേഹം പ്രഖ്യാപിച്ചു. വീടുകള്‍ നിര്‍മിക്കാന്‍ പാവപ്പെട്ടവര്‍ക്ക്​ പണം നല്‍കുമെന്നും നിര്‍ധനരായ ആളുകള്‍ക്ക്​ വേണ്ടി​ ​ അഞ്ച്​ ലക്ഷംരൂപ വരെ സൗജന്യ ചികിത്സ നല്‍കുന്ന 3,25,000 ആയുഷ്​മാന്‍ കാര്‍ഡുകള്‍ നിര്‍മിച്ചുവെന്നും മുഖ്യമന്ത്രി കൂട്ടിച്ചേര്‍ത്തു​.