കോണ്‍ഗ്രസിന്റെ തലപ്പത്തേക്ക് രാഹുല്‍ എത്തുന്നു. എഐസിസിയുടെ എണ്‍പത്തിനാലാമത് സമ്മേളനത്തിലാവും അമ്മയും നിലവില്‍ കോണ്‍ഗ്രസ് പ്രസിഡന്റുമായ സോണിയാ ഗാന്ധിയില്‍ നിന്ന് രാഹുല്‍ അധികാരം ഏറ്റെടുക്കുക. കോണ്‍ഗ്രസ് അധികാരത്തില്‍ ഇരിക്കുന്ന കര്‍ണാടകയുടെ തലസ്ഥാനമായ ബംഗളൂരുവില്‍ വച്ചായിരിക്കും രാഹുലിന്റെ സ്ഥാനാരോഹണം. 2010 ഡിസംബറില്‍ ഡല്‍ഹിയിലെ ബുരാരിയിലാണ് ഇതിനുമുമ്പ് കോണ്‍ഗ്രസിന്റെ സമ്പൂര്‍ണ സമ്മേളനം നടന്നത്. നേരത്തെ കഴിഞ്ഞ പാര്‍ലമെന്റിന്റെ ബജറ്റ് സമ്മേശളനം അവസാനിച്ചപ്പോള്‍ തന്നെ രാഹുലിനെ പാര്‍ട്ടി അദ്ധ്യക്ഷനാക്കണം എന്ന നിലപാടിലായിരുന്നു പല മുതിര്‍ന്ന കോണ്‍ഗ്രസ് നേതാക്കളും.
തിരികെ എത്തിയ രാഹുല്‍ പാര്‍ലമെന്റിന് അകത്തും പുറത്തുമായി ബിജെപിയെ കടന്നാക്രമിക്കുന്ന പ്രസ്താവനകളുമായി കളം നിറയുകയും ചെയ്തു. ഇത് കോണ്‍ഗ്രസുകാര്‍ക്ക് ചെറിയ ആവേശമൊന്നുമല്ല പകര്‍ന്നത്. നിലവിലെ രാഷ്ട്രീയ സാഹചര്യങ്ങള്‍ പഠിച്ച് അതിന് അനുസരിച്ച് പെരുമാറുന്ന രാഹുല്‍ ഗാന്ധി കോണ്‍ഗ്രസിനെ മുന്നില്‍ നിന്നും നയിക്കാന്‍ ഒരുങ്ങുന്നു എന്നാണ് വാര്‍ത്ത. നിലവില്‍ പാര്‍ട്ടിയുടെ ഉപാധ്യക്ഷനായി രാഹുല്‍ സെപ്റ്റംബര്‍ മാസത്തോടെ പാര്‍ട്ടി അധ്യക്ഷനായി നിയമിനതായേക്കും.
അദ്ദേഹത്തിന്റെ മോഡിക്കെതിരെയുള്ള സ്യൂട്ട് ബൂട്ട് സര്‍ക്കാര്‍ എന്ന പ്രയോഗം പ്രത്യേകം കൈയ്യടി വാങ്ങിയിരുന്നു.
എന്നാല്‍, മോദി സര്‍ക്കാരിനെതിരെ രാഷ്ട്രീയ വികാരം ഉണ്ടാക്കിയെടുക്കുന്നതിനുള്ള കഠിന പരിശ്രമത്തിലാണ് രാഹുല്‍ ഗാന്ധി. മോദി സര്‍ക്കാറിന്റെ തെരഞ്ഞെടുപ്പ് വാഗ്ദാനങ്ങളുടെ പൊള്ള വെളിച്ചത്തു കൊണ്ടുവരാന്‍ അദ്ദേഹം പരാമാവധി ശ്രമിക്കുകയും ചെയ്തു. കര്‍ഷക മേഖലയില്‍ പ്രക്ഷോഭം നയിക്കുകയാണ് ഉണ്ടായത്. കര്‍ഷക ആത്മഹത്യ നടന്ന ഗ്രാമങ്ങള്‍ സന്ദര്‍ശിച്ച് കര്‍ഷകരെ കൈയിലെടുക്കുകയും ചെയതിരുന്നു അദ്ദേഹം. ഇങ്ങനെ, ഒരു ഇമേജ് മാറ്റത്തിന് ശേഷമാണ് പാര്‍ട്ടിയുടെ അധ്യക്ഷന്‍ സ്ഥാനത്തേക്ക് രാഹുല്‍ എത്താന്‍ ഒരുങ്ങുന്നത്.
സംഘടനാ തിരഞ്ഞെടുപ്പിന്റെ അവസാനഘട്ടം എന്ന നിലയിലാണ് എ.ഐ.സി.സി സമ്മേളനം നടക്കുക. രണ്ടു മാസം നീളുന്ന സംഘടനാ തിരഞ്ഞെടുപ്പാണ് നടക്കുക. ഇപ്പോള്‍ അംഗത്വ വിതരണവും മറ്റുമാണ് നടന്നുവരുന്നത്. മെയ് 15വരെയാണ് അംഗത്വ വിതരണത്തിനുള്ള സമയപരിധി നിശ്ചയിച്ചിരുന്നതെങ്കിലും അത് ഒരു മാസം കൂടി നീട്ടാന്‍ ഹൈക്കമാന്‍ഡ് തീരുമാനിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha