സ്ത്രീ സൗഹൃദ വാഗ്ദാനങ്ങളുമായി കമലഹാസൻ; അധികാരം കിട്ടിയാൽ സൗജന്യചികിത്സ, വീട്, മാസശമ്പളം, രണ്ട് മണ്ഡലങ്ങളിൽ മത്സരിക്കാനൊരുങ്ങി ഉലകനായകൻ
നിയമസഭാ തെരഞ്ഞെടുപ്പ് അടുത്തിരിക്കവേ കിടിലം ഓഫറുകളുമായി കമലഹാസൻ. വ്യത്യസ്തമായ സ്ത്രീ സൗഹൃദ വാഗ്ദാനങ്ങളുമാണ് കമലഹാസൻ രംഗത്ത് എത്തിയിരിക്കുന്നത്. നിയമസഭയിൽ അധികാരത്തിൽ എത്തിയാൽ എല്ലാ സ്ത്രീകൾക്കും സൗജന്യചികിത്സ ഉറപ്പാക്കുമെന്ന് കമൽഹാസൻ പ്രഖ്യാപിച്ചു കഴിഞ്ഞിരിക്കുകയാണ്.
മറ്റ് രാഷ്ട്രീയ പാർട്ടികളിൽ നിന്നും വേറിട്ടുനിൽക്കുന്ന വാഗ്ദാനമാണ് ഉലകനായകനെ ശ്രദ്ധേയമാക്കുന്നത്. സാമ്പത്തികമായി പിന്നോക്കം നിൽക്കുന്ന വനിതകൾക്ക് വീട് നിർമ്മിച്ച് നൽകും, വനിതകൾക്കായി എല്ലാ ഗ്രാമങ്ങളിലും തൊഴിലധിഷ്ഠിത ക്ലാസുകൾ സംഘടിപ്പിക്കുകയും
യൂണിഫോം തസ്തികകളിൽ 50 ശതമാനം വനിതാ സംവരണം നൽകും, പൊതുവിതരണ സംവിധാനത്തിലൂടെ സാനിറ്ററി നാപ്കിൻ വിതരണം ചെയ്യും, എല്ലാ വീട്ടമ്മമാർക്കും മാസശമ്പളം നൽകും തുടങ്ങിയവയാണ് ഇതുവരെ നടത്തിയിരിക്കുന്ന പ്രഖ്യാപനങ്ങൾ. തമിഴ്നാട് തെരഞ്ഞെടുപ്പിൽ രണ്ട് മണ്ഡലങ്ങളിൽ മത്സരിക്കാനാണ് കമൽഹാസൻ തീരുമാനിച്ചിരിക്കുന്നതെന്നാണ് റിപ്പോർട്ടുകൾ. ആലന്തൂരും കോയമ്പത്തൂരുമാണ് മണ്ഡലങ്ങൾ.
എന്നാൽ, സീറ്റ് വിഭജനത്തിന്റെ പേരിൽ ഡിഎംകെ -കോൺഗ്രസ് സഖ്യത്തിൽ ഭിന്നത തുടരുന്നതിനിടെ കോൺഗ്രസിനെ മൂന്നാം മുന്നണിയിലേക്ക് കമൽ സ്വാഗതം ചെയ്യുകയുണ്ടായി. ഒരേ കാഴ്ചപ്പാട് ഉള്ളവർക്ക് പാർട്ടിയിലേക്ക് സ്വാഗതം. ചർച്ചകൾക്കുള്ള വാതിൽ തുറന്ന് തന്നെയാണെന്നാണ് അദ്ദേഹം പ്രതികരിച്ചത്.
https://www.facebook.com/Malayalivartha