ചെന്നൈ വിമാനത്താവളത്തില്‍ സ്വർണക്കടത്ത് വ്യാപകം. ഒളിപ്പിച്ച്‌​ കടത്താന്‍ ശ്രമിച്ച 2.53 ​കോടിയ​ുടെ 5.5കിലോ സ്വര്‍ണവും 24 ലക്ഷത്തിന്‍റെ വിദേശ കറന്‍സിയും പിടിച്ചെടുത്തതായി റിപ്പോർട്ട്. വിവിധ യാത്രക്കാരില്‍നിന്നാണ്​ ഇവ പിടികൂടിയതെന്നും അവരെ അറസ്റ്റ്​ ചെയ്​തതായും ചെ​ൈന്ന കസ്റ്റംസ്​ വ്യക്തമാക്കി​. രാമനാഥപുരം സ്വദേശിയായ മഖ്​റൂബ്​ അക്​ബര്‍ അലിയുടെയും സുബൈര്‍ ഹസന്‍ റഫിയുദീന്‍റെയും തലയിലെ വിഗ്ഗില്‍ ഒളിപ്പിച്ച നിലയിലായിരുന്നു 595 ഗ്രാം സ്വര്‍ണം കണ്ടെത്തിയത്. ദുബൈയില്‍നിന്ന്​ ചെന്നൈ വിമാനത്താവളത്തിലെത്തിയവരാണ്​ ഇവർ. വിഗ്ഗിന്​ അകത്ത്​ കുഴമ്പുരൂപത്തിലായിരുന്നു സ്വ​ര്‍​ണം സൂക്ഷിച്ചിരുന്നത്​.

തിരുച്ചിറപ്പള്ളി സ്വദേശിയായ ബാലു ഗണേഷനാണ്​ പിടിയിലായ മറ്റൊരാള്‍ എന്നത്. ഇയാളുടെ മലാശയത്തില്‍ ഒളിപ്പിച്ച നിലയിലായിരുന്നു 622 ഗ്രാം സ്വര്‍ണം കണ്ടെത്തിയത്. മഖ്​റൂബും സുബൈറും ബാലു ഗണേഷനും ഒരേ വിമാനത്തിലാണ്​ ചെന്നൈയിലെത്തിയത്​. 24കാരനായ അന്‍പഴകനും തമീന്‍ അന്‍സാരിയുമാണ്​​ ശനിയാഴ്ച അറസ്റ്റിലായ മറ്റു രണ്ടുപേര്‍ എന്നാണ് ലഭ്യമാകുന്ന വിവരം. 1.5 കിലോ വരുന്ന നാലു പാക്കറ്റുകളില്‍ സൂക്ഷിച്ചിരുന്ന സ്വര്‍ണം അന്‍പഴകന്‍റെ സോക്​സിലും അടിവസ്​ത്രത്തിലും ഒളിപ്പിച്ച നിലയിലായിരുന്നു കണ്ടെത്തിയത്.

അതേസമയം വിമാനത്താവളത്തിന്​ പുറത്തെത്തിച്ച 62 ലക്ഷം രൂപ വിലവരുന്ന 1.33 കിലോഗ്രാം സ്വര്‍ണം കൊണ്ടുപോകാന്‍ ശ്രമിക്കുന്നതിനിടെയാണ്​ തമീന്‍ പിടിയിലാകുന്നതെന്നും അധികൃതര്‍ അറിയിച്ചു.ചെന്നൈ വിമാനത്താവളത്തിലെത്തിയ ഇന്‍ഡിഗോ വിമാനത്തില്‍ സീറ്റിനടയില്‍ തുണിസഞ്ചിയില്‍ പൊതിഞ്ഞ നിലയില്‍ സ്വര്‍ണം കണ്ടെടുക്കുകയുണ്ടായി. 43.30ലക്ഷം രൂപ വരുന്ന 933ഗ്രാം സ്വര്‍ണമാണ്​ ഇത്തരത്തിൽ കണ്ടെടുത്തത്​.

​സെയ്​ദ്​ അഹമ്മദുള്ള, സന്തോഷ്​ സെല്‍വം, അബ്​ദുള്ള എന്നിവരാണ്​ ശനിയാഴ്ച പിടിയിലായവര്‍. തലയിലെ വിഗ്ഗില്‍ അസ്വഭാവികത തോന്നിയതിനെ തുടര്‍ന്ന്​ നടത്തിയ പരിശോധനയില്‍ വിഗ്ഗിനുള്ളില്‍ പേസ്റ്റ്​ രൂപത്തില്‍ ഒളിപ്പിച്ച സ്വര്‍ണം കണ്ടെടുക്കുകയായിരുന്നു. ദുബൈ ഷാര്‍ജ വിമാനത്തില്‍ ചെന്നൈ വിമാനത്താവളത്തില്‍ എത്തിയവരാണ്​ ഇവര്‍. മൂന്നുപേരില്‍നിന്നായി 96.57 ലക്ഷം വില വരുന്ന 2.08കിലോ ഗ്രാം സ്വര്‍ണമാണ്​ പിടിച്ചെടുത്തത്​. മൂന്നുപേരെയും അറസ്റ്റ്​ ചെയ്​തതായി കസ്റ്റംസ്​ അറിയിച്ചു.

ഷാര്‍ജ വിമാനത്തില്‍ ചെന്നൈയിലെത്തിയ നാലുയാത്രക്കാരെ വിദേശ കറന്‍സി കടത്തിയതിനാണ്​ അറസ്റ്റ്​ ചെയ്​തത്​. വിഗ്ഗിനുളളില്‍ ഒളിപ്പിച്ച നിലയിലയിലായിരുന്നു കറന്‍സി.​ 24.06 ലക്ഷം രൂപയുടെ കറന്‍സിയാണ്​ പടികൂടിയതെന്നും അധികൃതര്‍ അറിയിച്ചു.