ന്യൂനമര്ദ്ദം തിങ്കളാഴ്ചയോടെ 'യാസ്' ചുഴലിക്കാറ്റായി മാറും; ഒഡിഷ, ബംഗാള് തീരങ്ങളില് കനത്ത ജാഗ്രത മുന്നറിയിപ്പ്
ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം തിങ്കളാഴ്ചയോടെ 'യാസ്' ചുഴലിക്കാറ്റായി മാറുമെന്ന് കേന്ദ്ര കാലാവസ്ഥ നിരീക്ഷണ വിഭാഗം അറിയിച്ചു. ഇത് അതിതീവ്ര ചുഴലിക്കാറ്റായി മേയ് 26ഓടെ കരയില് പതിക്കുമെന്നാണ് പ്രതീക്ഷിക്കുന്നത്. ഒഡിഷ, ബംഗാള് തീരങ്ങളില് കനത്ത ജാഗ്രത മുന്നറിയിപ്പ് നല്കിയിരിക്കുകയാണ്.
പാരദ്വീപിനും സാഗര് ദ്വീപുകള്ക്കും ഇടയിലായാണ് കാറ്റ് തീരപതനം നടത്തുക. ഈ സമയം മണിക്കൂറില് 185 കിലോമീറ്റര് വരെയാകാം കാറ്റിന്റെ പരമാവധി വേഗത എന്നാണ് കണക്കാക്കുന്നത്. കാറ്റിനെ നേരിടാനുള്ള മുന്നൊരുക്കങ്ങള് വിലയിരുത്താനായി പ്രധാനമന്ത്രിയുടെ അധ്യക്ഷതയില് ഉന്നതസമിതി ഇന്ന് യോഗം ചേര്ന്നു. തീരമേഖലയില് നിന്ന് ജനങ്ങളെ സുരക്ഷിതമായി ഒഴിപ്പിക്കണമെന്ന നിര്ദേശം സംസ്ഥാന സര്ക്കാറുകള്ക്ക് നല്കിയിട്ടുണ്ട്.
ദുരന്തനിവാരണ സേനയും നാവികസേനയും രക്ഷാപ്രവര്ത്തനങ്ങള്ക്കായി തയ്യാറെടുത്തിട്ടുണ്ട്. കാറ്റിന്റെ സഞ്ചാര പരിധിയില് കേരളം ഉള്പ്പെടെയുള്ള ദക്ഷിണേന്ത്യന് സംസ്ഥാനങ്ങള് വരില്ലെങ്കിലും ശക്തമായ കടല്ക്ഷോഭവും മഴയും ലഭിക്കുമെന്നാണ് കാലാവസ്ഥ പ്രവചനം.
https://www.facebook.com/Malayalivartha
