'നിങ്ങളുടെ പ്രതികരണം രാജ്യത്തെ വേദനിപ്പിച്ചു'; അലോപ്പതിക്കെതിരെ ഗുരുതര ആരോപണം ഉയര്ത്തിയ യോഗഗുരു ബാബാ രാംദേവിനെതിരെ രൂക്ഷ വിമര്ശനവുമായി കേന്ദ്ര ആരോഗ്യ മന്ത്രി ഹര്ഷവര്ധന്
അലോപ്പതിക്കെതിരെ ഗുരുതര ആരോപണം ഉയര്ത്തിയ യോഗഗുരു ബാബാ രാംദേവിനെതിരെ രൂക്ഷ വിമര്ശനവുമായി കേന്ദ്ര ആരോഗ്യ മന്ത്രി ഹര്ഷവര്ധന് രംഗത്ത്. താങ്കള് കോവിഡ് പോരാളികളെ മാത്രമല്ല,രാജ്യത്തെ ജനങ്ങളെ മൊത്തം വേദനിപ്പിച്ചെന്ന് ഹര്ഷവര്ധന് രാംദേവിന് അയച്ച കത്തില് പറഞ്ഞു.
''അലോപ്പതിക്കെതിരെയുള്ള താങ്കളുടെ പ്രതികരണം രാജ്യത്തെ വേദനിപ്പിച്ചിട്ടുണ്ട്. ഇത് ഞാന് ഫോണിലൂടെ പറഞ്ഞതാണ്.ജീവന് പണയം വെച്ച് കോവിഡിനെതിരെ പോരാടുന്ന ആരോഗ്യപ്രവര്ത്തകരും ഡോക്ടര്മാരും ദൈവങ്ങളാണ്.
നിങ്ങള് ഇവരെ മാത്രമല്ല, രാജ്യത്തെ ജനങ്ങളെ മൊത്തം വേദനിപ്പിച്ചു. നിങ്ങളുടെ വിശദീകരണം പോര. ഇതിനെക്കുറിച്ച് ഗാഢമായി ചിന്തിച്ച് പ്രസ്താവന പിന്വലിക്കുമെന്ന് പ്രതീക്ഷിക്കുന്നു'' -ആരോഗ്യമന്ത്രി കത്തില് പറഞ്ഞു. സംഘ്പരിവാര് കേന്ദ്രങ്ങള് രാംദേവിനെ പിന്തുണക്കുന്നുണ്ടെങ്കിലും ആരോഗ്യ പ്രവര്ത്തകരുടെ ഭാഗത്തുനിന്നുണ്ടായ രൂക്ഷമായ പ്രതികരണങ്ങളാണ് രാംദേവിനെ തള്ളിപ്പറയാന് കേന്ദ്ര സര്ക്കാറിനെ പ്രേരിപ്പിച്ചത്.
അലോപ്പതി മണ്ടന് ശാസ്ത്രമാണെന്നും ലക്ഷക്കണക്കിന് കോവിഡ് രോഗികള് മരിച്ചുവീണത് അലോപ്പതി മരുന്ന് കഴിച്ചിട്ടാണെന്നും രാംദേവ് ആരോപിച്ചിരുന്നു. ഇതിനെതിരെ കടുത്ത നിലപാടമായി ഡോക്ടര്മാരുടെ സംഘടനയായ െഎ.എം.എ രംഗത്തെത്തിയിരുന്നു. അടിസ്ഥാന രഹിതമായ ആരോപണമുന്നയിച്ച് പൊതുജനങ്ങളെ ചികിത്സയില്നിന്ന് അകറ്റുന്ന രാംദേവിനെ പിടിച്ച് തുറങ്കിലടക്കണമെന്ന് ഐ.എം.എ ആവശ്യപ്പെട്ടു.
പതഞ്ജലി സംഘടിപ്പിച്ച കോവിഡ് ബോധവത്കരണ ചടങ്ങില് രാംേദവ് സംസാരിക്കുന്ന വിഡിയോ ആണ് ഇപ്പോള് വൈറലായത്. "അലോപ്പതി ഒരു മണ്ടന്, മുടന്തന് ശാസ്ത്രമാണ്. ആദ്യം, ഹൈഡ്രോക്സി ക്ലോറോക്വിന് പരാജയപ്പെട്ടു. പിന്നെ റെംഡെസിവിര്, ഐവര്മെക്റ്റിന്, പ്ലാസ്മ തെറാപ്പി എന്നിവയും പരാജയപ്പെട്ടു. ഫാബിഫ്ലു, സ്റ്റിറോയിഡുകള് എന്നിവയുള്പ്പെടെയുള്ള മറ്റ് ആന്റിബയോട്ടിക്കുകളും പരാജയപ്പെട്ടു. ഓക്സിജന്റെ അഭാവം കാരണമല്ല, അലോപ്പതി മരുന്നുകള് മൂലമാണ് ലക്ഷക്കണക്കിന് കോവിഡ് രോഗികള് മരിച്ചത്" -ബാബാ രാംദേവ് പറഞ്ഞു.
ഇതിനെതിരെ രാജ്യത്തിന്റെ വിവധ കോണുകളില്നിന്ന് കടുത്ത പ്രതിഷേധമാണ് ഉയര്ന്നിരുന്നു. രാംദേവിന്റെ അടിസ്ഥാനരഹിതമായ പ്രസ്താവനക്കെതിരെ കേന്ദ്ര ആരോഗ്യ മന്ത്രാലയം നടപടി സ്വീകരിച്ചില്ലെങ്കില് കോടതിയെ സമീപിക്കുമെന്ന് ഐ.എം.എ മുന്നറിയിപ്പ് നല്കി. "പതഞ്ജലി മരുന്നുകമ്ബനിയുടെ ഉടമയും കോര്പ്പറേറ്റ് ഭീമനുമായ രാംദേവ് പൊതുജനങ്ങളെ തെറ്റിദ്ധരിപ്പിച്ച് തന്റെ ഉല്പ്പന്നങ്ങള് വിറ്റഴിക്കാനാണ് ശ്രമിക്കുന്നത്. പൊതുജനങ്ങളില് ഭയവും നിരാശയും സൃഷ്ടിച്ച് അംഗീകാരമില്ലാത്ത തന്റെ മരുന്നുകള് വിറ്റ് ചുളുവില് പണം സമ്ബാദിക്കാനുമാണ് അയാളുടെ ശ്രമം -ഐഎംഎ ആരോപിച്ചു.
അതേസമയം, രോഗബാധിതനായപ്പോള് നിരവധി തവണ മികച്ച ആശുപത്രികളില് പ്രവേശിച്ച് ചികിത്സതേടിയ രാംദവ് ഇപ്പോള് ഡോക്ടര്മാരെ ചീത്ത വിളിക്കുകയും മെഡിക്കല് സയന്സിനെ പരിഹസിക്കുകയും ചെയ്യുകയാണെന്ന് യൂത്ത് കോണ്ഗസ് വാക്താവ് ശ്രീവത്സ ആരോപിച്ചു. മോദിയുടെ അനുഗ്രഹാശിസ്സുകളാണ് ഇത്തരക്കാെര ശക്തിപ്പെടുത്തുന്നത്. ഈ തട്ടിപ്പ് ബാബയെ പകര്ച്ചവ്യാധി നിയമപ്രകാരം അറസ്റ്റ് ചെയ്യണം -അദ്ദേഹം ആവശ്യപ്പെട്ടു.
https://www.facebook.com/Malayalivartha
