മീറ്ററുകളോളം ഉയരത്തിലേക്ക്​ തിരമാലകള്‍ ഉയര്‍ന്നും ഇളകി മറിഞ്ഞും പ്രക്ഷുബ്​ധമായ കടല്‍. അറ്റം മുറിയാതെ കാഴ്​ച നീണ്ടുപോകുന്ന അനന്തത ചുറ്റിലും. മരണം വായ്​ തുറന്നു വെച്ചതുപോലെ കലങ്ങി മറഞ്ഞ ആകാശം... ജീവിതത്തിലേക്ക്​ തിരിച്ചു കയറാമെന്ന മോഹത്തിന്​ ഒരു സാധ്യതയുമുണ്ടായിരുന്നില്ല.

എന്നിട്ടും ജീവിതത്തിലേക്കും കുടുംബത്തിലേക്കും തിരിച്ചു വരുമെന്ന്​ തന്നെ അദ്ദേഹം കരുതി, നിലയില്ലാ കടലില്‍ ഓളങ്ങള്‍ക്കിടയില്‍ കലങ്ങി മറിയുന്നതിനിടെ കൂട്ടുകാരെ അങ്ങനെ വിശ്വസിപ്പിക്കാന്‍ ശ്രമിച്ചു. ഒടുവില്‍, കൂടെയുള്ള പലരും മരണത്തിലേക്ക്​ താഴ്​ന്നു പോയ ശേഷം അദ്​ഭുതകരായി അ​യാള്‍ ജീവിതത്തിലേക്ക്​ പിടിച്ചു കയറി വന്നു.

മേയ്​ 17 ന്​ ടൗട്ടെ ചുഴലിക്കാറ്റില്‍ തകര്‍ന്നു പോയ ബാര്‍ജി​ലുണ്ടായിരുന്ന മഹാരാഷ്​ട്രക്കാരന്‍ അനില്‍ വയ്ച്ചാലിന്റെ വിവരണങ്ങള്‍ ശ്വാസമടക്കി പിടിച്ചേ ആര്‍ക്കും കേട്ടിരിക്കാനാകൂ. മരണത്തെ കൺമുമ്പിൽ കണ്ട്​ നടുകടലില്‍ പൊങ്ങിയയും താഴ്​ന്നും ഒമ്പത് ​ മണിക്കൂറാണ്​ അയാള്‍ പിടിച്ചു നിന്നത്​. 40 കാരനായ അനില്‍ ആഫ്​കോണ്‍സ്​ ഇന്‍ഫ്രസ്​​​​ട്രക്​ച്ചറിലെ മെക്കാനിക്കല്‍ എഞ്ചിനീയറാണ്​.

ഓയില്‍ ആന്‍ഡ്​ നാച്ചുറല്‍ ഗ്യാസ്​ കോര്‍പറേഷ​ന്റെ (ഒ.എന്‍.ജി.സി) കരാറുണ്ടായിരുന്ന ആഫ്​കോണ്‍സി​ന്റെ ബാര്‍ജ്​ ആണ്​ ടൗ​ട്ടെ ചുഴലിക്കാറ്റില്‍ തകര്‍ന്നത്​. അപകട സമയത്ത്​ 261 ആളുകളുണ്ടായിരുന്നു ആ ബാര്‍ജില്‍. അതില്‍ ​51 പേരുടെ മൃതദേഹങ്ങള്‍ കണ്ടെടുത്തു. 24 പേരെ കുറിച്ച്‌​ ഇപ്പോഴും വിവരങ്ങളൊന്നുമില്ല. ഇന്ത്യന്‍ നേവിയുടെ കപ്പല്‍ രക്ഷപ്പെടുത്തിയവരില്‍ ഒരാളാണ്​ അനില്‍ വയ്​ച്ചാല്‍.

'ആ ഒമ്പത്​ മണിക്കൂര്‍ ഒരു ജീവിതായുദ്ദമായാണ്​ തോന്നിയത്​' - ബാര്‍ജ്​ തകര്‍ന്ന കടലില്‍ ഒഴുകിയതിനെ കുറിച്ച്‌​ അനില്‍ പറയുന്നു. 'പ്രതീക്ഷക്ക്​ ഒരു വകയും ഉണ്ടായിരുന്നില്ലെങ്കിലും രക്ഷപ്പെടുമെന്ന്​ തന്നെ എനിക്ക്​ തോന്നി. വെള്ളത്തില്‍ മുങ്ങിയും താഴ്​ന്നും ഒഴുകുന്നതിനിടയിലും കൂടെയുള്ളവരെയും അങ്ങനെ വിശ്വസിപ്പിക്കാന്‍ ഞാന്‍ ശ്രമിച്ചു.' -അനില്‍ തുടര്‍ന്നു. മേയ്​ 17 ന്​ പുലര്‍ച്ചെ രണ്ടു മണിയോടെയാണ്​ ബാര്‍ജ്​ കാറ്റിലകപ്പെടുന്നത്​.

മുങ്ങുന്നത്​ ബാര്‍ജില്‍ നിന്ന്​ കടലില്‍ ചാടി രക്ഷപ്പെടുകയല്ലാതെ അതിലുണ്ടായിരുന്നവര്‍ക്ക്​ പിന്നീട്​ മറ്റു മാര്‍ഗങ്ങളുണ്ടായിരുന്നില്ല. വൈകുന്നേരം അഞ്ചു മണിയോടെയാണ്​ അനിലും കൂടെയുള്ളവരും കടലിലേക്ക്​ ചാടുന്നത്​. പ്രക്ഷൂബ്​ധമായ കടലില്‍ രക്ഷകരെയും പ്രതീക്ഷിച്ച്‌​ അവര്‍ ഒഴുകിയത്​ ഒമ്പത് ​ മണിക്കൂറാണ്​. അതിനിടയില്‍ ചിലര്‍ മരണത്തിന്​ കീഴടങ്ങി. ചിലര്‍ എവിടേക്കെന്നറിയാതെ അപ്രത്യക്ഷമായി.

കടലില്‍ ചാടു​മ്പോൾ ധരിച്ച ലൈഫ്​ ജാക്കറ്റുകളില്‍ റിഫ്ലക്​റ്ററുകളുണ്ടായിരുന്നു. കലങ്ങി മറിയുന്ന കടലും കാറ്റും മഴയും ചേര്‍ന്ന അന്തരീക്ഷത്തില്‍ ആ റിഫ്ലക്​റ്ററുകള്‍ ആരുടെയും ശ്രദ്ധയില്‍ പെടില്ലായിരുന്നു. അതുകൊണ്ട്​ തന്നെ മുന്നു നാലും വീതം ആളുകള്‍ പരസ്​പരം കൈകോര്‍ത്താണ്​ അവര്‍ കടലില്‍ ഒഴുകാന്‍ ശ്രമിച്ചത്​. മൂന്നു നാലു പേര്‍ ഒരുമിച്ചുണ്ടാകു​മ്പോൾ ജാക്കറ്റുകളിലെ റിഫ്ലക്​റ്ററുകള്‍ മറ്റു കപ്പലുകളുടേയോ രക്ഷാപ്രവര്‍ത്തകരുടെ കാഴ്​ചയില്‍ തടയുമെന്നവര്‍ കണക്കുകൂട്ടി.

എന്നാല്‍, പ്രക്ഷുബ്​ധമായ കടല്‍ അവരെ ഇളക്കി മറിച്ചുകൊണ്ടിരുന്നു. ഈ ചെറു സംഘങ്ങളെ കടല്‍ ഇളക്കി തെറിപ്പിച്ചു കൊണ്ടിരുന്നു. വീണ്ടും വീണ്ടും അവര്‍ ഒരുമിച്ച്‌​ ചേര്‍ന്ന്​ കൈ ചേര്‍ത്ത്​ പിടിച്ചു. ഒാരോ തവണ കടല്‍ അവരെ പകുത്തെറിഞ്ഞ ശേഷം അവര്‍ തിരിച്ചു കൂടുമ്പോഴും പലരും അതില്‍ നിന്ന്​ നഷ്​ടപ്പെട്ടു പോകുന്നുണ്ടായിരുന്നു. അതില്‍ പലരും മരണത്തിലേക്ക്​ തന്നെയാണ്​ അപ്പോള്‍ താഴ്​ന്നു പോയി കൊണ്ടിരുന്നത്​.

പുലര്‍ച്ചെ രണ്ടു മണിയോടെ അനിലടക്കമുള്ളവരെ നേവിയുടെ കപ്പലിലുള്ളവര്‍ കണ്ടെത്തുമ്പോൾ മരണത്തി​ന്റെ വായ്​മുഖത്തായിരുന്നു അവര്‍. കപ്പലില്‍ നിന്നെറിഞ്ഞ വലയില്‍ പിടിച്ചു കയറാന്‍ പോലുമാകാത്ത വിധം അവശരായിരുന്നു പലരും. പിടിച്ചു കയറാനുള്ള ശ്രമത്തിനിടെ താഴേക്കും തന്നെ വീണ പലരും പിന്നീട്​ പൊങ്ങിയതേയില്ല.

അനിലി​െന്‍റ കൂടെയുണ്ടായിരുന്ന സുഹൃത്തുക്കളില്‍ ഇപ്പോഴും കണ്ടെത്താനാകാത്ത ഒരാള്‍​ അങ്ങിനെ പിടിച്ചു കയറുന്നതിനിടെ വീണു പോയതായിരുന്നു. പിടിച്ചു കയറാനുള്ള ശ്രമം അനിലിനും പരാജയപ്പെടുന്നുണ്ട്​. ഒടുവില്‍ രക്ഷാ വല ദേഹത്തു ചുറ്റി തന്നെ വലിച്ചു കയറ്റാന്‍ ആവശ്യപ്പെടുകയഗയിരുന്നുവെന്ന്​ അനില്‍ പറയുന്നു.

'കുടുംബത്തി​െന്‍റ പ്രാര്‍ഥനയും ദൈവത്തി​െന്‍റ സഹായവും തുണയായതു കൊണ്ട്​​ എനിക്ക്​ ജീവിതത്തി​േലക്ക്​ തിരിച്ചു കയറാനായി എന്ന ആശ്വാസമുണ്ട്​​. ആ ദിവസം കടലില്‍ എന്നെന്നേക്കുമായി അപ്രത്യക്ഷരായവരുടെ കുടുംബത്തോട്​ ഞാനെന്തു പറയാം' -അനില്‍ വിതുമ്പുന്നു. 'ഞങ്ങള്‍ ഒരുമിച്ചു ഭക്ഷണം കഴിച്ചവരായിരുന്നു, കഥകള്‍ പറഞ്ഞവരായിരുന്നു, തമാശകള്‍ പങ്കിട്ടവരായിരുന്നു. കൺമുമ്പിലാണ് ​ പലരും മരണത്തിലേക്ക്​ താഴ്​ന്നു പോയത്​. ആയുസിലൊരിക്കലും ഞാനിത്​ മറക്കി​ല്ല, എ​െന്‍റ കൂട്ടുകാരെയും' -അനില്‍ പറഞ്ഞു നിര്‍ത്തി.