'ഇന്ത്യയുടെ സാമ്പത്തിക രംഗം തകര്ന്നടിയുന്നു'; പ്രധാനമന്ത്രി നരേന്ദ്ര മോദിയ്ക്കെതിരെ രൂക്ഷവിമർശനവുമായി കോണ്ഗ്രസ് നേതാവ് രാഹുല് ഗാന്ധി
ഇന്ത്യയുടെ സാമ്പത്തിക വളര്ച്ച തകര്ന്നടിഞ്ഞ പശ്ചാത്തലത്തില് പ്രധാനമന്ത്രി നരേന്ദ്ര മോദിയെ രൂക്ഷമായി വിമര്ശിച്ച് കോണ്ഗ്രസ് നേതാവ് രാഹുല് ഗാന്ധി. തകര്ന്ന സമ്ബദ് വ്യവസ്ഥയെ തുടര്ന്ന് രാജ്യത്ത് വര്ധിച്ചുവരുന്ന തൊഴിലില്ലായ്മയും മൊത്ത ആഭ്യന്തര ഉത്പാദനത്തിലെ തകര്ച്ചയും ചൂണ്ടിക്കാട്ടിയാണ് രാഹുല് ഗാന്ധി ട്വിറ്ററില് വിമര്ശനം രേഖപ്പെടുത്തിയത് .
പ്രധാനമന്ത്രി നരേന്ദ്ര മോദിയുടെ പരാജയങ്ങളുടെ പട്ടിക-കുറഞ്ഞ ജിഡിപി, പരമാവധി തൊഴിലില്ലായ്മ, എന്ന് രാഹുല് ഗാന്ധി ട്വീറ്റ് ചെയ്തു. രാജ്യത്തെ തൊഴിലില്ലായ്മ സൂചിപ്പിക്കുന്ന ഗ്രാഫ് പങ്കുവെച്ചുകൊണ്ടായിരുന്നു രാഹുലിന്റെ ട്വീറ്റ്. കഴിഞ്ഞ ദിവസം പുറത്തുവന്ന 2020-’21 സാമ്ബത്തിക വര്ഷത്തെ സാമ്ബത്തിക വളര്ച്ചാ നിരക്ക് സംബന്ധിച്ച റിപ്പോര്ട്ടിന്റെ പശ്ചാത്തലത്തിലായിരുന്നു രാഹുലിന്റെ രൂക്ഷ വിമര്ശനം .
കാര്യശേഷിയില്ലാത്ത മോദി സര്ക്കാര് അധികാരത്തില് വന്ന അന്നുമുതല് ഇന്ത്യയുടെ സാമ്ബത്തിക രംഗം തകരാന് ആരംഭിച്ചതായി കോണ്ഗ്രസ് കഴിഞ്ഞ ദിവസം വിമര്ശിച്ചിരുന്നു . രാജ്യത്തിന്റെ സാമ്ബത്തിക തകര്ച്ച കോവിഡിന് മുമ്ബ് തന്നെ തുടങ്ങിയിരുന്നു . ഇപ്പോള് ഇന്ത്യയുടെ ജിഡിപി നാല്പതു വര്ഷത്തിലെ ഏറ്റവും കുറഞ്ഞ നിരക്കിലാണെന്നും കോണ്ഗ്രസ് ആരോപിച്ചിരുന്നു.
2019-’20- കാലയളവില് നാലു ശതമാനം വളര്ച്ച നേടിയ സ്ഥാനത്താണ് സമ്ബദ്ഘടന 2020-’21 സാമ്ബത്തിക വര്ഷം 7.3 ശതമാനം കൂപ്പുകുത്തിയത്. സാമ്ബത്തിക വര്ഷത്തിന്റെ നാലാം പാദമായ 2021 ജനുവരി-മാര്ച്ച് കാലയളവില് 1.6 ശതമാനം വളര്ച്ച നേടാനായി. ഇതാണ് മൊത്തം സാമ്ബത്തിക വര്ഷത്തെ ഇടിവ് 7.3 ശതമാനത്തില് ഒതുങ്ങാന് സഹായിച്ചതെന്നും നാലു പതിറ്റാണ്ടിനിടയില് ആദ്യമായാണ് വാര്ഷികാടിസ്ഥാനത്തില് മൊത്തം ആഭ്യന്തര ഉത്പാദനം (ജി.ഡി.പി.) ഇടിയുന്നതെന്നും റിപ്പോര്ട്ടില് ചൂണ്ടിക്കാട്ടിയിരുന്നു .
https://www.facebook.com/Malayalivartha