നരേന്ദ്ര മോദിയുടെ ഏഴു വര്ഷം നമ്മെ 70 വര്ഷം പിന്നിലാക്കി; വിജയകരമായി ഓടിക്കൊണ്ടിരിക്കുന്നത് നുണ ഫാക്ടറി മാത്രം -സിദ്ധരാമയ്യ
പ്രധാനമന്ത്രിക്കും കേന്ദ്ര സര്ക്കാറിനുമെതിരെ രൂക്ഷ വിമര്ശനവുമായി കര്ണാടക മുന് മുഖ്യമന്ത്രിയും കോണ്ഗ്രസ് നേതാവുമായ സിദ്ധരാമയ്യ രംഗത്ത്. 7 വര്ഷം കൊണ്ട് ഇന്ത്യയെ 70 വര്ഷം മോദി പിന്നിലെത്തിച്ചെന്ന് സിദ്ധരാമയ്യ കുറ്റപ്പെടുത്തി. 2014 മുതലുള്ള കണക്കുകള് ചൂണ്ടിക്കാണിച്ച് മോദിയുടേത് ദുരന്തങ്ങളാണെന്നും സിദ്ധരാമയ്യ വിമര്ശിച്ചു.
നരേന്ദ്ര മോദി നയിച്ച ഭരണകൂടം ഏഴു വര്ഷം കൊണ്ട് നൂറുകണക്കിന് ദുരന്തങ്ങളുണ്ടാക്കി. നോട്ട് നിരോധനം, ജി.എസ്.ടി, കോവിഡ് 19 ഭരണകൂട വീഴ്ച, കര്ഷക വിരുദ്ധവും തൊഴിലാളി വിരുദ്ധവുമായ നയങ്ങള്, തൊഴിലില്ലായ്മ, പൊതുസ്ഥാപനങ്ങളുടെ സ്വകാര്യവല്ക്കണം, പണപ്പെരുപ്പം അടക്കമുള്ളവ ഏഴുവര്ഷം കൊണ്ടുള്ള ദുരന്തങ്ങളില് ചെറുതാണ് -സിദ്ധരാമയ്യ പ്രതികരിച്ചു.
70 വര്ഷം കൊണ്ട് നമ്മള് ചോരയും വിയര്പ്പും കൊണ്ട് പടുത്തുയര്ത്തിയത് മോദി സര്ക്കാര് വിറ്റഴിച്ചു. നുണകളുടെ ഫാക്ടറി മാത്രമാണ് രാജ്യത്ത് ഇപ്പോള് വിജയകരമായി ഓടിക്കൊണ്ടിരിക്കുന്നത്. പൊതു ജനങ്ങള് അടിസ്ഥാന ആവശ്യങ്ങള്ക്ക് വലയുമ്പോൾ ഗുജറാത്തിലെ വ്യാപാരികള് സമ്പത്ത് ഉയര്ത്തുകയാണ്”-സിദ്ധരാമയ്യ കൂട്ടിച്ചേര്ത്തു.
https://www.facebook.com/Malayalivartha