കോവിഡ് സാഹചര്യം കണക്കിലെടുത്ത് ഈ വര്ഷത്തെ സി.ബി.എസ്.ഇ. പന്ത്രണ്ടാം ക്ലാസ് പരീക്ഷ റദ്ദാക്കി.... പ്രധാനമന്ത്രി നരേന്ദ്ര മോദി വിളിച്ച യോഗത്തിലാണ് തീരുമാനം
കോവിഡ് സാഹചര്യം കണക്കിലെടുത്ത് ഈ വര്ഷത്തെ സി.ബി.എസ്.ഇ. പന്ത്രണ്ടാം ക്ലാസ് പരീക്ഷ റദ്ദാക്കി. പരീക്ഷ നടക്കില്ലെങ്കിലും പന്ത്രണ്ടാം ക്ലാസ് ഫലങ്ങള് കൃത്യമായ മാനദണ്ഡങ്ങള്ക്കനുസൃതമായി സമയബന്ധിതമായി പ്രസിദ്ധീകരിക്കും.
പ്രധാനമന്ത്രി നരേന്ദ്ര മോദി വിളിച്ച യോഗത്തിലാണ് തീരുമാനം. മന്ത്രിമാരായ പ്രകാശ് ജാവഡേക്കര്, രാജ്നാഥ് സിങ് എന്നിവരും യോഗത്തില് പങ്കെടുത്തു. വിദ്യാര്ഥികളുടെ താല്പര്യാര്ഥമാണ് പന്ത്രണ്ടാം ക്ലാസ് സി.ബി.എസ്.ഇ. പരീക്ഷകളില് തീരുമാനം എടുത്തതെന്ന് പ്രധാനമന്ത്രി വ്യക്തമാക്കി.
നമ്മുടെ വിദ്യാര്ഥികളുടെ ആരോഗ്യവും സുരക്ഷയും വളരെ പ്രാധാന്യമര്ഹിക്കുന്നതാണെന്നും ഈ കാര്യത്തില് ഒരു വിട്ടുവീഴ്ചയും ഉണ്ടാകില്ലെന്നും അദ്ദേഹം പറഞ്ഞു. ഇത്തരം സമ്മര്ദ്ദ സാഹചര്യത്തില് പരീക്ഷയ്ക്ക് ഹാജരാകാന് വിദ്യാര്ഥികളെ നിര്ബന്ധിക്കരുതെന്നും പ്രധാനമന്ത്രി കൂട്ടിച്ചേര്ത്തു.
മെയ് മാസത്തില് നടത്താനിരുന്ന സിബിഎസ്ഇ പത്താംതരം പരീക്ഷയും റദ്ദാക്കിയിരുന്നു. ഇന്റേണല് വിലയിരുത്തലുകളുടെ അടിസ്ഥാനത്തിലായിരിക്കും പത്താതരം വിദ്യാര്ഥികളുടെ ഫലപ്രഖ്യാപനം ഉണ്ടാവുക.
9, 10, 11 ക്ലാസുകളിലെ ശരാശരി മാര്ക്ക് കണക്കാക്കി പന്ത്രണ്ടാം ക്ലാസിലെ മാര്ക്ക് നിര്ണയിക്കുന്നത് അടക്കമുള്ള ക്രമീകരണങ്ങളാണ് നിലവില് ചര്ച്ചകളില് ഉള്ളത്. എന്നാല് ഫലം എങ്ങനെയാണ് നിര്ണയിക്കുന്നതെന്ന് കാര്യത്തില് തീരുമാനമായിട്ടില്ല.
https://www.facebook.com/Malayalivartha
