വ്യാപം കുംഭകോണം, രാജ്യത്തെ ഞെട്ടിച്ച് ദുരൂഹമരണങ്ങള് തുടരുന്നു, മാധ്യമ പ്രവര്ത്തകന് പിന്നാലെ ജബല്പൂര് മെഡിക്കല് കോളജ് ഡീനും കൊല്ലപ്പെട്ട നിലയില്
രാജ്യത്തെ ഞെട്ടിച്ച് വ്യാപം കുഭകോണത്തില് ദുരൂഹമരണങ്ങള് തുടരുന്നു. മാധ്യമ പ്രവര്ത്തകന്റെ മരണ്തിന് പിന്നാലെ സംഭവത്തിലുള്പ്പെട്ട പ്രതിയുമായി ബന്ധമുണ്ടെന്നു കരുതുന്ന ജബല്പൂര് മെഡിക്കല് കോളജ് ഡീന് ഡോ. അരുണ് ശര്മയെ ഡല്ഹിയിലെ ഹോട്ടല് മുറിയില് ദുരൂഹ സാഹചര്യത്തില് മരിച്ച നിലയില് കണ്ടെത്തി. കുംഭകോണത്തിന്റെ വാര്ത്തകള് ശേഖരിച്ച ചാനല് മാധ്യമപ്രവര്ത്തകന് അക്ഷയ് സിങ്ങിന്റെ മരണത്തിന്റെ പിറ്റേന്നാണ് ഇതുമായി ബന്ധപ്പെട്ട ഡോക്ടര് കൂടി മരിക്കുന്നത്.
സംഭവവുമായി ബന്ധപ്പെട്ട് ഇതുവരെ ദുരൂഹ സാഹചര്യത്തില് മരിച്ചവരുടെ എണ്ണം അനൗദ്യോഗികമായി 44 ആയി. എന്നാല്, ഔദ്യോഗിക കണക്കുകള്പ്രകാരം 25 പേരാണ് ദുരൂഹസാഹചര്യത്തില് മരിച്ചത്. മധ്യപ്രദേശിലെ ജബല്പൂര് നേതാജി സുഭാഷ് ചന്ദ്രബോസ് മെഡിക്കല് കോളജ് ഡീനും മുന് കോണ്ഗ്രസ് മന്ത്രി എന്കെ. ശര്മയുടെ മകനുമായ ഡോ. അരുണിന്റെ മൃതദേഹം തെക്കുപടിഞ്ഞാറന് ഡല്ഹിയിലെ ദ്വാരകയിലുള്ള ഹോട്ടലില് ഇന്നലെ രാവിലെയാണു കണ്ടെത്തിയത്. ഏറെ നേരം വിളിച്ചിട്ടും അരുണ് മുറി തുറക്കാതിരുന്നതോടെ ഹോട്ടല് ജീവനക്കാര് മറ്റൊരു താക്കോല് ഉപയോഗിച്ച് അകത്തു കയറിയപ്പോഴാണ് മൃതദേഹം കണ്ടത്.
അക്ഷയ്, അരുണ് എന്നിവരുടെ നിനച്ചിരിക്കാതെയുള്ള മരണം വിഷപ്രയോഗംമൂലമാണെന്ന് അദ്ദേഹം പറഞ്ഞു. മാരകവിഷം ശരീരത്തിനുള്ളില് എത്തിയപ്പോഴുണ്ടായ ഹൃദയാഘാതമാകാം മരണകാരണം. കുംഭകോണത്തില് പേരുള്പ്പെട്ടശേഷം റയില്വേ ട്രാക്കില് കൊല്ലപ്പെട്ട നിലയില് കണ്ടെത്തിയ പെണ്കുട്ടിയുടെ മാതാപിതാക്കളെ മധ്യപ്രദേശിലെ ജാബുവയില് കഴിഞ്ഞ ദിവസം അഭിമുഖം ചെയ്യവേ ടിവി ടുഡേ ചാനലിന്റെ റിപ്പോര്ട്ടര് അക്ഷയ്യുടെ വായില്നിന്നു നുരയും പതയും വന്നു. ആശുപത്രിയില് എത്തിച്ചപ്പോഴേക്കും മരിച്ചിരുന്നു.
ഇദ്ദേഹം അമിതമായി മദ്യപിക്കുകയും ഛര്ദിക്കുകയും ചെയ്തതിന്റെ ലക്ഷണങ്ങള് മുറിയിലുണ്ടായിരുന്നു. മെഡിക്കല് കൗണ്സില് ഓഫ് ഇന്ത്യ സംഘത്തിനൊപ്പം അഗര്ത്തലയിലേക്കു പോകുന്നതിനാണ് അരുണ് ഡല്ഹിയിലെത്തിയത്. \'വ്യാപം\' കേസ് അന്വേഷിക്കുന്ന സംഘത്തിന് അരുണ് നിര്ണായക വിവരങ്ങള് കൈമാറിയിരുന്നുവെന്നാണു സൂചന. ഒരു വര്ഷത്തിനിടെ ഇതേ കോളജിലെ രണ്ടാം ഡീന് ആണു ദുരൂഹ സാഹചര്യത്തില് മരിക്കുന്നത്. വ്യാജ പ്രവേശനത്തെക്കുറിച്ച് അന്വേഷിച്ച ഡീന് ഡോ. എസ്.കെ. സകല്ലയുടെ ശരീരം വീടിനുള്ളില് കത്തിക്കരിഞ്ഞ നിലയില് 2014 ജൂലൈ നാലിനു കണ്ടെത്തിയിരുന്നു.
ദുരൂഹസാഹചര്യത്തില് മരിച്ചവരില് മധ്യപ്രദേശ് ഗവര്ണര് റാം നരേഷ് യാദവിന്റെ മകന് ശൈലേഷ് യാദവും (50) ഉള്പ്പെടുന്നു. മാര്ച്ച് 25ന് പിതാവിന്റെ യുപിയിലെ വസതിയില് മരിച്ച നിലയില് കണ്ടെത്തുകയായിരുന്നു. യുപി മുന് മുഖ്യമന്ത്രികൂടിയായ റാം നരേഷ് യാദവിനെയും നിയമന കുംഭകോണക്കേസില് പ്രതിചേര്ത്തിരുന്നുവെങ്കിലും പിന്നീട് ഹൈക്കോടതി ഒഴിവാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
