അവിഹിതം ഭാര്യ തന്നെ ഉപേക്ഷിച്ച്‌ പോയി.... ദേഷ്യം തീർത്തത് വിവാഹിതയായ കാമുകിയോട്... ഭാര്യ പോയതോടുകൂടി യുവാവ് കാമുകിയെ ആക്രമിച്ചു. അസമിലെ കാമരൂപ് ജില്ലയിലാണ് സംഭവം. ആക്രമണത്തില്‍ ഗുരുതര പരിക്കേറ്റ യുവതി ആശുപത്രിയില്‍ ചികത്സയിലാണ്.

വിവാഹിതയായ യുവതിയെ യുവാവ് കാണണമെന്ന് പറയുകയും ബുധനാഴ്ച വൈകുന്നേരം ധോപതാരി മാര്‍ക്കറ്റിന് സമീപം വരാന്‍ ആവശ്യപ്പെടുകയുമായിരുന്നു.

യുവാവിന്‍റെ നിര്‍ദേശപ്രകാരം മാര്‍ക്കറ്റിലെത്തിയ യുവതിയെ പ്രതി വെട്ടുകത്തി ഉപയോഗിച്ച്‌ ആക്രമിക്കുകയായിരുന്നു.ഇറച്ചി വെട്ടുകാരനായ പ്രതി ആക്രമണത്തിന് ശേഷം പൊലീസ് സ്റ്റേഷനില്‍ എത്തി കീഴടങ്ങുകയായിരുന്നു.

പരിക്കേറ്റ യുവതി ഗുവാഹത്തി മെഡിക്കല്‍ കോളേജില്‍ ചികിത്സയിലാണ്.വ്യാഴാഴ്ച പ്രതിയെ കോടതി അഞ്ച് ദിവസത്തെ പൊലീസ് കസ്റ്റഡിയില്‍ വിട്ടു.