പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് മെയ് ആറു വരെ അവധി പ്രഖ്യാപിച്ചു
02 MAY 2024 08:08 PM IST
മലയാളി വാര്ത്ത
ഉഷ്ണതരംഗം കണക്കിലെടുത്ത് ഉന്നതവിദ്യാഭ്യാസ വകുപ്പിനു കീഴിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് മെയ് ആറു വരെ അവധി പ്രഖ്യാപിച്ച് ഉത്തരവായതായി ഉന്നതവിദ്യാഭ്യാസ- സാമൂഹ്യനീതി മന്ത്രി ഡോ. ആര് ബിന്ദു അറിയിച്ചു.
ഈ ദിവസങ്ങളില് വകുപ്പിനു കീഴിലെ ടെക്നിക്കല് സ്കൂള് വിദ്യാര്ത്ഥികള്ക്കുള്ള ക്ലാസുകള് പൂര്ണ്ണമായും ഒഴിവാക്കണം. എന്സിസി, എന്എസ്എസ് എന്നിവയുടെ പകല്സമയത്തെ പരിശീലനം, പരേഡ്, ഡ്രില് തുടങ്ങിയവ ഒഴിവാക്കണം.
മുന്നിശ്ചയ പ്രകാരമുള്ള പരീക്ഷകള്ക്ക് മാറ്റമുണ്ടാകില്ല. ഉഷ്ണതരംഗം തുടരുന്ന സാഹചര്യത്തില് വിദ്യാഭ്യാസസ്ഥാപനങ്ങളിലും പരീക്ഷാഹാളുകളിലും വിദ്യാര്ത്ഥികള്ക്ക് ശുദ്ധമായ കുടിവെള്ളവും ക്ലാസ് മുറികളില് വായുസഞ്ചാരവും ഉറപ്പാക്കണം - മന്ത്രി ഡോ. ബിന്ദു ഉത്തരവ് വിശദീകരിച്ച് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
