ബീഫ് കഴിച്ചുവെന്നും ഫ്രിഡ്ജില്‍ സൂക്ഷിച്ചുവെന്നും ആരോപിച്ച് ഉത്തര്‍പ്രദേശില്‍ 50 വയസ്സുകാരനെ ജനക്കൂട്ടം മര്‍ദ്ദിച്ച് കൊന്നു. ഡല്‍ഹിയില്‍ നിന്നും 45 കിലോമീറ്റര്‍ അകലെ ഗ്രേറ്റര്‍ നോയ്ഡക്കടുത്ത് ദാദ്രിയില്‍ തിങ്കളാഴ്ച രാത്രിയാണ് സംഭവം. മുഹമ്മദ് അഖ് ലാകിനെയും മകന്‍ ദഹീനെയുമാണ് കൂട്ടംചേര്‍ന്നെത്തിയ ഗ്രാമവാസികള്‍ കല്ലും വടിയും കൊണ്ട് മര്‍ദ്ദിച്ചത്. അഖ് ലാക് സംഭവസ്ഥലത്തുത്തന്നെ മരിച്ചു. പരിക്കേറ്റ മകന്‍ ആശുപത്രിയിലാണ്. കേസില്‍ ആറുപേരെ പൊലീസ് അറസ്റ്റ് ചെയ്തു.
പത്തുപേര്‍ക്കെതിരെ കേസെടുത്തു. എന്നാല്‍ ആടിന്റെ മാംസമാണ് കഴിച്ചതെന്ന് അഖ് ലാകിെന്റ കുടുംബാംഗങ്ങള്‍ പറഞ്ഞു. മാംസം ഫോറന്‍സിക് പരിശോധനക്കും അയച്ചു. സംഭവസ്ഥലത്ത് നിന്ന് ആറ് പേരെ പോലീസ് അറസ്റ്റ് ചെയ്തു. പോലീസ് എത്തുമ്പോള്‍ ഇയാളെ നാട്ടുക്കാര്‍ ചേര്‍ന്ന് ആക്രമിക്കുകയായിരുന്നു. പോലീസ് സ്ഥലത്ത് എത്തി ആകാശത്തേക്ക് നിറയൊഴിച്ച ശേഷമാണ് നാട്ടുക്കാര്‍ സംഭവസ്ഥലത്ത് നിന്നും പോയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha