അമിത്ഷായുടെ താക്കീതിനു പുല്ലുവില, വിവാദ പ്രസ്താവനയുമായി ബി.ജെ.പി എം.പി വീണ്ടും, ഗോമാതാവിനെ കൊല്ലുന്നവര്ക്ക് വധശിക്ഷ നല്കണമെന്നാണ് സാക്ഷി മഹാരാജ്
കഴിഞ്ഞ ദിവസമാണ് ബിജെപി ദേശീയ അധ്യക്ഷന് അമിത്ഷാ വിവാദ പ്രസ്താവന നടത്തിയ നേതാക്കളെ ഡല്ഹിയിലേക്ക് വിളിപ്പിച്ച് താക്കീത് നല്കിയത്. എന്നാല് അക്കൂട്ടത്തില് താക്കീതുവാങ്ങി പുറത്തിറങ്ങിയ ബിജെപി എംപി സാക്ഷി മഹാരാജ് വീണ്ടും വിവാദ പ്രസ്താവനയുമായി രംഗത്തെത്തി.
ഗോമാതാവിനെ കൊല്ലുന്നവര്ക്ക് വധശിക്ഷ നല്കണമെന്നാണ് സാക്ഷി മഹാരാജിന്റെ ആവശ്യം. ഗോവധത്തിന് പ്രത്യേക നിയമം കൊണ്ടുവരണമെന്നും അദ്ദേഹം പറഞ്ഞു.
ഭുവനേശ്വറില് നടന്ന വിദേശ ഇന്ത്യക്കാരുടെ ഹിന്ദുമഹാസഭ യോഗത്തില് പങ്കെടുത്ത് സംസാരിക്കവെയായിരുന്നു അദ്ദേഹത്തിന്റെ വിവാദ പ്രസ്താവന. ബീഫ് ഫെസ്റ്റ് നടത്തിയ എം.എല്.എയെ കാശ്മീര് നിയമസഭയില് ബി.ജെ.പി അംഗങ്ങള് മര്ദിച്ച സംഭവത്തെ സാക്ഷി ന്യായീകരിച്ചു.
എം.എല്.എയെ മര്ദിച്ച സംഭവം സ്വാഭാവിക പ്രതികരണമാണെന്നാണ് സാക്ഷി പറയുന്നത്. നേതാക്കള് ഇതേ മനോഭാവം തുടര്ന്നാല് ജനങ്ങളുടെ തല്ലു കൊണ്ട് മരിക്കേണ്ടി വരുമെന്നും സാക്ഷി മുന്നറിയിപ്പ് നല്കി. ജനങ്ങള് അവര്ക്കിഷ്ടമുള്ളത് കഴിക്കുന്നത് തടയാനാകില്ല എന്ന് പ്രസ്താവിച്ചാണ് റാഷിദ് ബീഫ് പാര്ട്ടി നടത്തിയത്. ഇതിനെത്തുടര്ന്നാണ് മര്ദനം ഉണ്ടായത്.
ഗോമാംസം ഉപേക്ഷിച്ചാല് മുസ്ലീങ്ങള്ക്ക് ഇന്ത്യയില് കഴിയാമെന്ന ഹരിയാന മുഖ്യമന്ത്രി മനോഹര് ലാല് ഖട്ടറിയുടെ വാക്കുകള് ശരിയാണെന്നാണ് സാക്ഷി പറഞ്ഞു. അയോധ്യയില് ശ്രീരാമ ക്ഷേത്രം ഉടന് തന്നെ നിര്മ്മിക്കുമെന്നും സാക്ഷി വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
