ഇന്ത്യയില്‍ വിപണികള്‍ തുറക്കാനും കസ്റ്റംസ് കടമ്പകള്‍ കടക്കാനും റിയല്‍ എസ്‌റ്റേറ്റ് അനുമതികള്‍ കിട്ടാനുമായി യു.എസ്. ആസ്ഥാനമായ ആഗോള ചില്ലറവില്‍പനശാലാ ശൃംഖലയായ വാള്‍മാര്‍ട്ട് ഇന്ത്യയില്‍ കോടികള്‍ കൈക്കൂലി നല്‍കിയെന്നു റിപ്പോര്‍ട്ട്. മെക്‌സിക്കോയില്‍ വാള്‍മാര്‍ട്ടിനു പങ്കുള്ള അഴിമതി സംബന്ധിച്ച അന്വേഷണത്തിനിടെയാണ് യു.എസ്. അന്വേഷണ ഏജന്‍സിയുടെ കണ്ടെത്തലെന്ന് വാള്‍സ്ട്രീറ്റ് ജേണല്‍ റിപ്പോര്‍ട്ട് ചെയ്തു. 300 രൂപ മുതല്‍ 13,000 രൂപ വരെയുള്ള തുകയാണ് പ്രാദേശികതലത്തിലെ അനവധി ഉദ്യോഗസ്ഥര്‍ക്കു കൈക്കൂലി നല്‍കിയത്. ഓരോരുത്തര്‍ക്കും നല്‍കിയ പണം തുച്ഛമാണെങ്കിലും മൊത്തം കണക്കുകൂട്ടിയാല്‍ ഇത് ദശലക്ഷക്കണക്കിനു രൂപ വരുമെന്നാണു കണ്ടെത്തല്‍. വാള്‍മാര്‍ട്ടിന്റെ ഇന്ത്യന്‍ വിഭാഗം വിപണിയില്‍ നിന്നു നേട്ടം കൊയ്യാന്‍ തുടങ്ങിയിട്ടില്ലാത്ത സ്ഥിതിക്ക് യു.എസ്. നിയമപ്രകാരം ശിക്ഷാനടപടികള്‍ നേരിടേണ്ടിവരില്ലെന്നാണു വിലയിരുത്തല്‍. ഭാരതി എന്റര്‍െ്രെപസസുമൊത്ത് ഇന്ത്യയില്‍ സംയുക്ത സംരംഭത്തിനു തയാറാക്കിയ പദ്ധതി ഉപേക്ഷിച്ച് തനിയെ മുന്നോട്ടു പോകായിരുന്നു വാള്‍മാര്‍ട്ടിന്റെ തീരുമാനം. ചില്ലറവില്‍പന മേഖല തുറന്നുകിട്ടാന്‍ യു.പി.എ. സര്‍ക്കാരിനു മേല്‍ സമ്മര്‍ദം ചെലുത്തിയ അവര്‍ യു.എസ്. കോണ്‍ഗ്രസില്‍ ലോബിയിങ് നടത്തിയതായി നേരത്തേ കണ്ടെത്തിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha