ഐസിയു വാര്ഡ് ഡാന്സ് ബാറായി മാറിയപ്പോള്, ഐസിയുവില് ആസ്പത്രി ജീവനക്കാരുടെ നൃത്തം
അസുഖം മാറ്റാനാണ് പൊതുവെ എല്ലാവരും ആശുപത്രിയില് പോകുന്നത്. എന്നാല് ആശുപത്രിയില് പോയാലും സ്വസ്ഥത തരില്ലെന്ന് പറഞ്ഞാലോ. അതാണ് അഹമ്മദാബാദിലെ സോള സിവില് ഹോസ്പിറ്റലില് രണ്ട് ദിവസങ്ങള്ക്ക് മുമ്പ് ഉണ്ടായത്. ഐസിയു വാര്ഡ് ശരിക്കുമൊരു ഡാന്സ് ബാറായി മാറി എന്ന് വേണം പറയാന്. ഐ.സി.യു. വാര്ഡില് ആസ്പത്രി ജീവനക്കാര് ഗര്ബ നൃത്തമാടിയത് ഇപ്പോള് ഏറെ വിവാദമായിരിക്കുകയാണ്.
അഹമ്മദാബാദിലെ സോള സിവില് ഹോസ്പിറ്റലില് പുതുതായി ആരംഭിച്ച ഡയാലിസിസ് സെന്ററിന്റെ ഉദ്ഘാടനത്തോടനുബന്ധിച്ചാണ് നഴ്സുമാരടക്കമുള്ള ആസ്പത്രി ജീവനക്കാര് ആട്ടവും പാട്ടുമായി രോഗികള്ക്കിടയിലൂടെ നീങ്ങിയത്. ഗുജറാത്തിലെ ധനമന്ത്രി നിതിന്ഭായ് പട്ടേലാണ് സെന്റര് ഉദ്ഘാടനം ചെയ്തത്.
നൃത്തം ചവിട്ടാന് നഴ്സുമാര് രോഗികള്ക്ക് കൂട്ടിരുന്നവരെയും ക്ഷണിച്ചു. ചിലര് അവര്ക്കൊപ്പം ആടി. ഐ.സി.യു. വാര്ഡില് ഉച്ചത്തില് പാട്ടു വെച്ചായിരുന്നു നൃത്തം. സംഭവം വിവാദമായതോടെ, ആസ്പത്രിക്ക് ഇതില് പങ്കില്ലെന്ന വാദവുമായി അധികൃതര് രംഗത്തെത്തി. തങ്ങളാരോടും നൃത്തമാടാന് ആവശ്യപ്പെട്ടിട്ടില്ലെന്ന് മെഡിക്കല് സൂപ്രണ്ട് എച്ച്.കെ. ബസ്വാര് പറഞ്ഞു.
നൃത്തത്തില് പങ്കെടുത്തവര്ക്ക് ആശുപത്രി അധികൃതര് പിന്നീട് കാരണം കാണിക്കല് നോട്ടീസ് നല്കി. സന്ദര്ശകര്ക്ക് കര്ശന വിലക്കുള്ള ഐ.സി.യു വാര്ഡുകളില് മിക്ക ആശുപത്രികളും മൊബൈല് ഫോണ് പോലും അനുവദിക്കാറില്ല. സാധാരണ നവരാത്രി ഉത്സവകാലത്താണ് ഗുജറാത്തിലെ പരമ്പരാഗതനൃത്തമായ ഗര്ബ ആഘോഷിക്കാറുള്ളത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
