ഓരോ ഇന്ത്യക്കാരെയും ഞെട്ടിച്ച സംഭവമാണ് ഇന്നലെ ഹരിയാനയില്‍ നടന്നത്. ആരും പൊറുക്കില്ല ആ ക്രൂരക്യത്യം. എന്റെ ജീവിതം എനിക്ക് തിരികെ നല്‍കൂ എന്ന വാക്കുകള്‍ മാത്രമായിരുന്നു ഹരിയാനയില്‍ എല്ലായിടങ്ങളിലും മുഴങ്ങിയത്. ജീവന് ഭീഷണി ഉണ്ടെന്ന് ഓരോ ജനങ്ങളും ഹരിയാനയില്‍ ഇപ്പോഴും ഭയപ്പെടുന്നു.
സുരക്ഷ ഉറപ്പാക്കുന്നതില്‍ ഹരിയാന സര്‍ക്കാര്‍ പരാജയപ്പെട്ടുവെന്നും ജീവനു ഭീഷണിയുള്ളതിനാല്‍ ഗ്രാമം വിട്ടു പോവുകയാണെന്നും മേല്‍ജാതിക്കാരുടെ ആക്രമണത്തിന് ഇരയായ ജിതേന്ദര്‍ വ്യക്തമാക്കി. ഇന്നലെയാണ് ജിതേന്ദറിന്റെ പിഞ്ചു കുഞ്ഞുങ്ങളെ മേല്‍ജാതിക്കാര്‍ ചുട്ടുകൊന്നത്. ഗോ സംരക്ഷണത്തിനായി വാതോരാതെ വാദിക്കുന്ന ഹരിയാനയിലെ ബിജെപി സര്‍ക്കാര്‍ പശുക്കള്‍ക്കു നല്‍കുന്ന വിലപോലും മനുഷ്യര്‍ക്കു നല്‍കുന്നില്ലെന്നു ഗ്രാമീണര്‍ കുറ്റപ്പെടുത്തുന്നു.
മേല്‍ജാതിക്കാരുടെ ക്രൂരമായ ആക്രമണം ഏതുനിമിഷവുമുണ്ടാകാമെന്ന ഭയത്തോടെയാണ് സുന്‍പെഡ് ഗ്രാമത്തിലെ ദലിതര്‍ കഴിയുന്നത്. തന്റെ പിഞ്ചുമക്കള്‍ ചുട്ടുകരിക്കപ്പെട്ടതിന്റെ താങ്ങാനാകാത്ത വേദനയ്ക്കും അതീവ ഗുരുതരമായ പൊള്ളലുമായി ജീവനും മരണത്തിനുമിടയില്‍ പോരാടുന്ന ഭാര്യയെ ഓര്‍ത്തുള്ള ആശങ്കയ്ക്കുമപ്പുറം ഇനിയുമുണ്ടാകിനിടയുള്ള ഒരാക്രമണം ജിതേന്ദറിനെ ഭീതിതനാക്കുന്നു. മേല്‍ജാതിക്കാരുടെ ഭീഷണികള്‍ പതിവാണ്. ഹരിയാനയില്‍ പുതിയ സര്‍ക്കാര്‍ വന്നശേഷം ദലിതര്‍ക്കെതിരായ അക്രമം വര്‍ദ്ധിച്ചതായാണ് ഹരിയാനയിലെ ഓരോ വ്യക്തികളും പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha