ഫോട്ടോയില് മുഖം വരാനല്ലേ വന്നതെന്നു മാദ്ധ്യമപ്രവര്ത്തകന്; ക്ഷുഭിതനായി രാഹുല് ഗാന്ധി,(വീഡിയോ)
വ്യത്യസ്ത പരിവേഷവുമായി രാഹുല് വാര്ത്തകളില് നിറയുന്നു. \'ഇതു ഫോട്ടോ ഓപ്പറേഷനാണോ?\' ചോദ്യം ഒരു മാദ്ധ്യമപ്രവര്ത്തകന്റേതാണ്. ചോദിച്ചത് കോണ്ഗ്രസ് ഉപാധ്യക്ഷന് രാഹുല് ഗാന്ധിയോടും. ചോദ്യം കേട്ട് രാഹുല് ഗാന്ധി മാദ്ധ്യമപ്രവര്ത്തകനോടു ക്ഷോഭിക്കുകയും ചെയ്തു.
സവര്ണര് തീവച്ചു കൊന്ന രണ്ടു ദളിത് കുരുന്നുകളുടെ വീടു സന്ദര്ശിക്കാന് രാഹുല് എത്തിയപ്പോഴായിരുന്നു സംഭവം. ഈ സന്ദര്ശനം ഫോട്ടോയില് മുഖംകാണിക്കാനുള്ള അവസരത്തിനല്ലേയെന്ന ചോദ്യമാണ് രാഹുലിനെ കുപിതനാക്കിയത്.
ഇവിടെയുള്ള ജനങ്ങളെ അപമാനിക്കുന്നതിന് തുല്യമാണ് ഈ ചോദ്യമെന്ന് രാഹുല് ഗാന്ധി പറഞ്ഞു. ജനങ്ങള് രാജ്യത്തു മരിച്ചു കൊണ്ടിരിക്കുന്നു. കാരണമൊന്നുമില്ലാതെ മര്ദിക്കപ്പെടുന്നു. എന്നിട്ടും മൗനം പാലിക്കുന്ന പലരുമുണ്ടെന്നും രോഷാകുലനായി മാദ്ധ്യമപ്രവര്ത്തകനോടു രാഹുല് പറഞ്ഞു.
താന് ഇവിടെ വീണ്ടും വീണ്ടും വരുമെന്നും മാദ്ധ്യമപ്രവര്ത്തകനോടു കയര്ത്തു രാഹുല് പറഞ്ഞു. തന്റെ കുട്ടികള് മരിച്ചത് അവര് പാവപ്പെട്ടവരായിപ്പോയതിനാലാണെന്ന് പിതാവ് തന്നോട് പറഞ്ഞു. സംഭവത്തില് സിബിഐ അന്വേഷണം വേണമെന്നു കുടുംബാംഗങ്ങള് ആവശ്യപ്പെട്ടതായും രാഹുല് പറഞ്ഞു.
ഫരീദാബാദിന് സമീപം സുനപ്പേഡ് ഗ്രാമത്തിലെ ജിതേന്ദറിന്റെ കുടുംബത്തിനു നേരെയാണ് കഴിഞ്ഞ ദിവസം പുലര്ച്ചെ രണ്ടരയോടെ സവര്ണ വിഭാഗക്കാര് ആക്രമണം നടത്തിയത്. രാജ്യതലസ്ഥാനത്തു നിന്നും വെറും 30 കിലോമീറ്റര് മാത്രം അകലെയാണ് ഫരീദാബാദ്. ജിതേന്ദര് എന്നയാളുടെ വീടിനുനേരെയാണ് ആക്രമണമുണ്ടായത്. പത്തംഗ സംഘം പെട്രോള് ഒഴിച്ച് തീകൊളുത്തിയതിനെ തുടര്ന്ന് രണ്ടുവയസും പത്തുമാസം പ്രായവുമുള്ള പിഞ്ചുകുട്ടികളാണ് പൊള്ളലേറ്റ് മരിച്ചത്. ജിതേന്ദറിന്റെ ഭാര്യ ഗുരുതരമായി പൊള്ളലേറ്റ് ആശുപത്രിയിലുമാണ്.
തങ്ങള്ക്കു സുരക്ഷ ഉറപ്പാക്കുന്നതില് സര്ക്കാര് പരാജയപ്പെട്ടെന്നും അതുകൊണ്ടു ഗ്രാമം തന്നെ ഉപേക്ഷിച്ചു പോകുകയാണെന്നും ജിതേന്ദര് പറഞ്ഞിരുന്നു. തന്റെ ജീവനു ഭീഷണിയുണ്ടെന്നും സവര്ണ വിഭാഗക്കാര് ഇനിയും ആക്രമിക്കുമെന്നു ഭയമുണ്ടെന്നും ജിതേന്ദര് പറഞ്ഞു. ഈ സാഹചര്യത്തിലാണ് രാഹുല് ഗാന്ധി ജിതേന്ദറിന്റെ കുടുംബത്തെ സന്ദര്ശിക്കാനെത്തിയത്. അതിനിടെ കുട്ടികളുടെ മൃതദേഹവുമായി ജനക്കൂട്ടം ഹരിയാനയില് ദേശീയ പാത ഉപരോധിക്കുകയും ചെയ്തു.
പുതിയ ക്ഷോഭിക്കുന്ന യുവത്വമായ രാഹുലിന് ഈ വിഷയത്തില് വന് ജനപ്രീതിയാണ് ലഭിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
