കേന്ദ്രമന്ത്രി വികെ സിംഗിനെ പോലെയുള്ളവരെ മുക്കി കൊല്ലണമെന്ന് ആര്‍ജെഡി നേതാവ് ലാലു പ്രസാദ് യാദവ്. ദളിതരെയും പിന്നോക്കകാരെയും അധിക്ഷേപിച്ച് ഇല്ലാതാക്കാനാണ് ബിജെപിയും ആര്‍എസ്എസും ശ്രമിക്കുന്നത്. ഈ വിഷയങ്ങളില്‍ പ്രധാനമന്ത്രി വായ് തുറക്കുന്നില്ല. ഗോള്‍ വാള്‍ക്കറുടെ ദളിത് വിരുദ്ധതയാണ് ബിജെപി പ്രാവര്‍ത്തികമാക്കുന്നതെന്നും ലാലു പ്രസാദ് യാദവ് പറഞ്ഞു.
ഫരീദാബാദ് സംഭവത്തില്‍ കേന്ദ്രസര്‍ക്കാരിന് ഒന്നും ചെയ്യാനില്ലെന്നും ആരെങ്കിലും പട്ടിയെ കല്ലെറിഞ്ഞാല്‍ കേന്ദ്രസര്‍ക്കാര്‍ ഉത്തരവാദിയല്ലെന്നും വികെ സിംഗ് പ്രതികരിച്ചിരുന്നു. താന്‍ നടത്തിയ പരാമര്‍ശത്തില്‍ വിശദീകരണവുമായി വികെ സിംഗ് ആദ്യം രംഗത്ത് എത്തിയിരുന്നു. അത്തരത്തിലൊരു താരതമ്യമല്ല താന്‍ താന്‍ ഉദ്ദേശിച്ചതെന്ന് വികെ സിംഗ് പറഞ്ഞു.

സംഭവത്തില്‍ രാജ്യവ്യാപകമായ പ്രതിഷേധമാണ് ഉയര്‍ന്നത്. പിന്നീട് പരാമര്‍ശത്തില്‍ കേന്ദ്രമന്ത്രി വി കെ സിംഗ് മാപ്പ് പറഞ്ഞു. ഹൃദയം കൊണ്ട് ഞാന്‍ മാപ്പ് ചോദിക്കുന്നതായും ആരെയും വേദനിപ്പിക്കാന്‍ ഉദ്ദേശിച്ചല്ല താന്‍ അങ്ങനെ പറഞ്ഞതെന്നും വികെ സിംഗ് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha