ഭാര്യയ്ക്ക് മദ്യം കഴിക്കാന്‍ പണം നല്‍കിയില്ലെന്ന കുറ്റത്തിന് ഭര്‍ത്താവിനെ കഴുത്തു ഞെരിച്ചു കൊന്നു. ഹൈദരാബാദിലെ
മണികേശ്വറില്‍ നടന്ന സംഭവത്തില്‍ രാമുലമ്മ എന്ന 50 -കാരിയാണ് ഭര്‍ത്താവ് ചന്ദ്രയ്യ എന്ന 53 കാരനെ കൊന്നത്. ഇവരെ വെള്ളിയാഴ്ച പോലീസ് അറസ്റ്റ് ചെയ്തു.
വ്യാഴാഴ്ച വൈകിട്ട് ഏഴു മണിയോടെയായിരുന്നു സംഭവം. ദസറ ആഘോഷത്തിന്റെ ഭാഗമായി മദ്യം വാങ്ങാന്‍ പണം നല്‍കണമെന്ന് രാമുലമ്മ കൂലിപ്പണിക്കാരനായ ഭര്‍ത്താവിനോട് ആവശ്യപ്പെട്ടു. എന്നാല്‍ ചന്ദ്രയ്യ ആവശ്യം നിരസിച്ചത് ഇരുവരും തമ്മിലുള്ള വഴക്കിലേക്കും ഇത് പിന്നീട് അടിപിടിയിലേക്കും നീണ്ടു.

ഇതിനിടയില്‍ രാമുലമ്മയുടെ അടിയേറ്റ് ഭര്‍ത്താവ് നിലത്ത് വീഴുകയും അബോധാവസ്ഥയിലാകുകയും ചെയ്തു. തുടര്‍ന്ന് ഭര്‍ത്താവിന്റെ മുകളില്‍ കയറിയിരുന്ന രാമുലമ്മ ചന്ദ്രയ്യയെ കഴൂത്തുഞെരിച്ച് കൊല്ലുകയും ചെയ്തു.

ഭര്‍ത്താവ് ഹൃദയാഘാതത്തെ തുടര്‍ന്ന് കുഴഞ്ഞു വീണു മരിച്ചതായി രാമുലമ്മ പറഞ്ഞു. പോലീസ് എത്തിയപ്പോള്‍ ചന്ദ്രയ്യ മരിച്ചു കിടക്കുന്നതാണ് കണ്ടത്. ഇവര്‍ മൃതദേഹം പോസ്റ്റുമാര്‍ട്ടത്തിനായി അയച്ചതിനെ തുടര്‍ന്ന് കഴുത്തു ഞെരിച്ച് കൊല്ലുകയായിരുന്നെന്ന് തെളിയുകയായിരുന്നു.

സമാനഗതിയില്‍ നടന്ന മറ്റൊരു സംഭവത്തില്‍ പിതാവിനെ മകന്‍ കൊന്നു. കുശൈഗുഡയിലെ നവോദയാ നഗറിലായിരുന്നു ഇത്. മദ്യം വാങ്ങാന്‍ പണം നല്‍കാതിരുന്നതിനെ തുടര്‍ന്ന് ലക്ഷ്മയ്യാ എന്ന 30 കാരന്‍ 60 കാരനായ പിതാവ് ഏലയ്യായെയാണ് കൊന്നത്.

ദിവസങ്ങള്‍ക്ക് മുമ്പ് അപ്പനും മകനും തമ്മില്‍ ചെറിയ കാര്യത്തിന് വഴക്കുണ്ടാക്കിയിരുന്നു. ഇതിനെ തുടര്‍ന്ന് ഏലയ്യാ മകനെ ശക്തമായ രീതിയില്‍ ശാസിക്കുകയും മകന്‍ വീടുവിട്ടിറങ്ങി പോകുകയും ചെയ്തു. വ്യാഴാഴ്ച ദസറ ആഘോഷിക്കാന്‍ എത്തിയ മകന്‍ മദ്യം വാങ്ങാന്‍ പിതാവിനോട് പണം ചോദിച്ചു. ഏലയ്യാ ആവശ്യം നിഷേധിച്ചത് വഴക്കായപ്പോള്‍ ലക്ഷ്മയ്യാ പിതാവിന്റെ കഴുത്ത് ഒരു കത്തിയെടുത്ത് മുറിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha