ബീഫ് നിരോധനത്തിനെതിരെ പ്രതികരിച്ച കന്നഡ എഴുത്തുകാരിയെ ബലാത്സംഗം ചെയ്യുമെന്നു ഭീഷണി
കൂടുതല് പ്രതികരിച്ചാല് മാനം കാണില്ല കൊച്ചേ. കന്നഡ എഴുത്തുകാരിയെ ബലാത്സംഗം ചെയ്യുമെന്നും ആസിഡ് ആക്രമണം നടത്തുമെന്നും ഭീഷണി. സിനിമ സംവിധായികയും തിരക്കഥ കൃത്തും കൂടിയായ ചേതന തീര്ത്ഥഹള്ളിക്കാണ് ഫേസ്ബുക്കിലൂടെ നിരന്തരമായി ഭീഷണി നേരിടുന്നത്.
ഫേസ്ബുക്കിലൂടെ ഭീഷണി ഉയര്ത്തിയ രണ്ടുപേര്ക്കെതിരെ ചേതന പൊലീസില് പരാതി നല്കി. ബീഫ് വിലക്കിനെതിരെയും ഹൈന്ദവ അനാചാരങ്ങള്ക്കെതിരായും നടത്തിയ പരാമര്ശങ്ങളില് പ്രകോപിതരായാണ് ബലാല്സംഗഭീഷണി ഉയര്ത്തിയത്. എഴുത്ത് തുടര്ന്നാല് ബലാല്സംഗവും ആസിഡ് ആക്രമണവും അടക്കം നിരവധി ഭയാനകമായ പ്രത്യാഘാതങ്ങള് നേരിടേണ്ടി വരുമെന്നാണ് ഫേസ്ബുക്കിലൂടെ ഭീഷണി സന്ദേശങ്ങള് എത്തിയത്.
ബംഗലൂരുവില് നടന്ന പ്രതിഷേധ പരിപാടികളില് പങ്കെടുക്കുകയും വിവിധ മാസികകളില് ബീഫ് വിലക്കിനെതിരെ പ്രതികരിക്കുകയും ചെയ്തതോടെയാണ് ഭീഷണി സന്ദേശങ്ങള് എത്തിയത്. ഹൈന്ദവ അനാചാരങ്ങള്ക്കെതിരെ പ്രതികരിച്ചു തുടങ്ങിയപ്പോള് മുതല് ഭീഷണി ഉയരുന്നുണ്ടെങ്കിലും സമീപ കാലത്ത് രാജ്യത്ത് വര്ധിച്ചു വരുന്ന അസഹിഷ്ണുതയും ആക്രമണങ്ങളുമാണ് പൊലീസില് പരാതി നല്കാന് ചേതന തീര്ത്ഥഹള്ളിയെ പ്രേരിപ്പിച്ചത്. ജാഗ്രുത ഭാരത, മധുസൂധന് ഗൗഡ എന്നീ ഫേസ്ബുക്ക് അക്കൗണ്ടുകളില് നിന്നാണ് ഭീഷണികള് ഉണ്ടായതെന്നും പരാതിയില് ചേതന പറയുന്നു.
ഭീഷണി അതിരു കടന്നതോടെയാണു ചേതന തീര്ത്ഥഹള്ളി പൊലീസിന് പരാതി നല്കി. ബംഗലൂരുവിലെ ഹനുമന്ത നഗര് പൊലീസ് സ്റ്റേഷനിലാണ് എഴുത്തുകാരി രണ്ട് ഫേസ്ബുക്ക് അക്കൗണ്ട് ഉടമസ്ഥര്ക്കെതിരെ പരാതി നല്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
