ദിവാകരനെിരെ നേതൃത്വത്തിന് കടുത്ത അതൃപ്തി, തെരഞ്ഞെടുപ്പില് മത്സരിക്കുന്നതില് നിന്ന് മാറ്റിനിര്ത്തുമെന്ന് റിപ്പോര്ട്ട്
തെരഞ്ഞെടുപ്പ് നായകത്വ വിവാദത്തിലേക്ക് എല്.ഡി.എഫിനെ എത്തിച്ച സി. ദിവാകരന്റെ പ്രസ്താവനയില് സി.പി.ഐ നേതൃത്വത്തിന് കടുത്ത അതൃപ്തി. വരുന്ന നിയമസഭാ തെരഞ്ഞെടുപ്പില് ഇടതുമുന്നണിയെ ശക്തമായി മുന്നോട്ടുകൊണ്ടുപോകാന് വി.എസ്. അച്യുതാനന്ദന് കഴിയുമെന്നാണ് സി.പി.ഐ നിയമസഭാ കക്ഷി നേതാവുകൂടിയായ സി. ദിവാകരന് ഞായറാഴ്ച പ്രതികരിച്ചതാണ് പുതിയ വിവാദത്തിന് വഴിവെച്ചത്.
ദിവാകരന്റെ പ്രസ്താവനയ്ക്കെതിരെ സിപിഎം സംസ്ഥാന സെക്രട്ടറി കൊടിയേരി ബാലകൃഷ്ണനടക്കമുള്ളവര് രംഗത്ത് വന്നിരുന്നു. സിപിഐ സെക്രട്ടറി കാനവും നിലപാട് വിശദീകരിച്ചു. എന്നാല് കടുത്ത് അതൃപ്തിയാണ് ഈ വിഷയത്തില് ദിവാകരനെതിരെ ഇരുനേതാക്കള്ക്കുമുള്ളത്. വരുന്ന തെരഞ്ഞെടുപ്പില് ദിവാകരനെ മത്സരിപ്പിക്കാതെ മാറ്റി നിര്ത്താനും സാധ്യതയുണ്ട്.
തദ്ദേശ തെരഞ്ഞെടുപ്പില് എല്.ഡി.എഫിന് ലഭിച്ച രാഷ്ട്രീയ മുന്തൂക്കത്തിന് തിരിച്ചടി സൃഷ്ടിക്കുന്നതായി ദിവാകരന്റെ നിലപാടെന്ന ആക്ഷേപം എല്.ഡി.എഫ് നേതൃത്വത്തിലുമുണ്ട്.സി.പി.ഐക്കുള്ളില് ചര്ച്ച പോലും ചെയ്യാത്ത വിഷയം ദിവാകരന് പരസ്യമായി ഉന്നയിച്ചത് അച്ചടക്കലംഘനമെന്ന നിലപാടാണ് പാര്ട്ടി നേതൃത്വത്തിന്. കഴിഞ്ഞ ദിവസം ആലപ്പുഴയില് ചേര്ന്ന സംസ്ഥാന നിര്വാഹക സമിതിയിലടക്കം ഈ വിഷയം പരിഗണിച്ചിരുന്നില്ല. സംഭവത്തിന്റെ ഗൗരവം മനസ്സിലാക്കിയാണ് സംസ്ഥാന സെക്രട്ടറി കാനം രാജേന്ദ്രന്തന്നെ ദിവാകരന്റെ നിലപാടിനെ തള്ളി രംഗത്ത് വന്നത്. സംസ്ഥാന സെക്രട്ടറിയാണ് സാധാരണ ഗതിയില് പാര്ട്ടി നിലപാട് പറയുന്നത്. മറ്റുള്ളവര് ആരും വാര്ത്താ സമ്മേളനം വിളിച്ച് ഇക്കാര്യം പറയാറുമില്ല. വിലക്കയറ്റം സംബന്ധിച്ച കാര്യങ്ങള് പറയാന് അനുവദിക്കണമെന്ന് ചൂണ്ടിക്കാട്ടി ദിവാകരന് നേതൃത്വത്തെ സമീപിച്ചതിനെ തുടര്ന്നാണ് അതിന് അനുമതി നല്കിയത്. എന്നാല്, വാര്ത്താസമ്മേളനത്തിന് മുമ്പുതന്നെ ഒരു ചാനലിന് നല്കിയ അഭിമുഖത്തില് വി.എസ് നയിക്കുമെന്ന് ദിവാകരന് വ്യക്തമാക്കിയിരുന്നു. തുടര്ന്ന് നടന്ന വാര്ത്താസമ്മേളനത്തിലും വിവാദവിഷയങ്ങളില് പ്രതികരിച്ചു.
വ്യക്തിപരമായ അഭിപ്രായങ്ങള് പാര്ട്ടി നിലപാടായി തെറ്റിദ്ധരിക്കും വിധം അവതരിപ്പിച്ചത് അനവസരത്തിലും അനാവശ്യവുമാണെന്ന ആക്ഷേപമാണ് നേതൃത്വത്തിന്. നിയമസഭാ തെരഞ്ഞെടുപ്പില് മത്സരിക്കാത്ത ഇ.കെ. നായനാര് അതിനുശേഷം മുഖ്യമന്ത്രിയായ അനുഭവം എല്.ഡി.എഫിനുള്ളപ്പോഴാണ് ദിവാകരന്റെ പ്രസ്താവനയെന്നും അവര് ചൂണ്ടിക്കാട്ടുന്നു. തിരുവനന്തപുരം ലോക്സഭാ തെരഞ്ഞെടുപ്പിലെ സ്ഥാനാര്ഥി വിവാദത്തില് ദിവാകരന് അച്ചടക്ക നടപടിക്ക് വിധേയനായിരുന്നു. കഴിഞ്ഞ സംസ്ഥാന സമ്മേളനത്തില് പുതിയ നേതൃത്വം അധികാരമേറ്റ ശേഷമാണ് ദിവാകരനെ വീണ്ടും സംസ്ഥാന നിര്വാഹക സമിതിയില് ഉള്പ്പെടുത്തിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
