സല്മാന് ഖാനെ ടെലിഫോണില് ബന്ധപ്പെട്ടത് തുണയായി,പാകിസ്ഥാനില് നിന്നും ഗീത ഇന്ത്യയില് തിരിച്ചെത്തി
യാത്രാ രേഖകളില്ലാതെ 11 വര്ഷം മുമ്പ് പാകിസ്ഥാനില് കുടുങ്ങിയ ഗീത ഇന്ത്യയില് തിരിച്ചെത്തി. നയതന്ത്ര ചര്ച്ചയെ തുടര്ന്നാണ് ഗീതയ്ക്ക് തിരിച്ചെത്താനായത്. കറാച്ചിയില് നിന്ന് പാകിസ്ഥാന് ഇന്റര്നാഷണല് എയര്ലൈന്സിലാണ് ഗീത ന്യൂഡല്ഹിയിലെത്തിയത്. ബന്ധുക്കളും ഇന്ത്യ, പാക് ഉദ്യോഗസ്ഥരും ഗീതയ്ക്കൊപ്പമുണ്ട്.
12ാം വയസില് അബദ്ധത്തില് പാകിസ്ഥാലെത്തിയതാണ് ഗീത. ബിഹാര് സ്വദേശിയായ ഗീതയെ ജലന്ധറില് നിന്നാണ് കാണാതായത്. ജലന്ധറിലെ കിര്താര്പൂരില് കുടുംബത്തോടൊപ്പം ബൈശാഖി ഉത്സവത്തിനെത്തിയതായിരുന്നു ഗീത.സംഝോത എക്സ്പ്രസില് ലാഹോര് സ്റ്റേഷനിലാണ് പാകിസ്ഥാന് റേഞ്ചേഴ്സ് ഉദ്യോഗസ്ഥര് ഗീതയെ കണ്ടെത്തിയത്. ഇപ്പോള് 23 വയസായി. ഇസ്ലാമബാദിലെ ഇന്ത്യന് ഹൈക്കമ്മീഷന് കാണിച്ച മാതാപിതാക്കളുടേയും ബന്ധുക്കളുടേയും ചിത്രങ്ങള് ഗീത തിരിച്ചറിഞ്ഞിരുന്നു. എന്നാല് ഡി.എന്.എ പരിശോധന നടത്തും.
കറാച്ചിയിലെ ആതുരസേവന സംഘമായ ഈദി ഫൗണ്ടേഷനാണ് ഗീതയെ സംരക്ഷിച്ചിരുന്നത്. സല്മാന് ഖാന് നായകനായ ബജ്രംഗി ഭായ്ജാന് എന്ന ചിത്രത്തിന്റെ കഥ സമാനമായിരുന്നു. ഇന്ത്യയില് കുടുങ്ങുന്ന പാകിസ്ഥാനി പെണ്കുട്ടിയുടെ കഥയാണ് ചിത്രം പറഞ്ഞത്. ചിത്രം പുറത്തിറങ്ങിയ ശേഷം ഗീത സല്മാന് ഖാനെ ടെലിഫോണില് ബന്ധപ്പെട്ടിരുന്നു. ഇതിന് ശേഷമാണ് ഗീതയെ തിരിച്ചുകൊണ്ടുവരുന്നതിനായി ഇന്ത്യ നയതന്ത്ര ചര്ച്ച ആരംഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
