ബിജെപി സര്‍ക്കാരിനെ ആഞ്ഞടിച്ച് ബി.ജെ.പി. സഹയാത്രികനും മുന്‍ കേന്ദ്രമന്ത്രിയുമായ അരുണ്‍ ഷൂരി രംഗത്ത്. കോണ്‍ഗ്രസ് സര്‍ക്കാരിന്റെ നയങ്ങള്‍ പിന്തുടരുന്നതിനു പുറമെ, പശൂ കൂടി കടന്നുവന്നു എന്നതാണ് പുതിയ നയം. സര്‍ക്കാരിന്റെ സാമ്പത്തികനയം തലക്കെട്ടുകള്‍ക്കു വേണ്ടി മാത്രമാണെന്ന് അവര്‍പോലും വിശ്വസിക്കുന്നു. സാമ്പത്തിക വിദഗ്ധന്‍ കൂടിയായ ഷൂരി കുറ്റപ്പെടുത്തി.
\'അധികാരം പ്രധാനമന്ത്രിയുടെ ഓഫിസില്‍ ഇത്രയധികം കേന്ദ്രീകരിച്ച കാലം ഇതിനു മുമ്പ് ഉണ്ടായിട്ടില്ല. പക്ഷെ, ഇത്രയും ദുര്‍ബലമായ പി.എം. ഓഫിസും ഇതിനു മുമ്പ് ഉണ്ടായിട്ടില്ലെന്നാണ് ഞാന്‍ കരുതുന്നത്. ജനങ്ങള്‍ ഇപ്പോള്‍ ഡോക്ടര്‍ സാഹിബിനെ(ഡോ. മന്‍മോഹന്‍ സിംഗ്) ഓര്‍ത്തു തുടങ്ങിയിട്ടുണ്ട്.\'
\'നികുതി മേഖലയില്‍ ഒരു മാറ്റവും ഇതുവരെ ഉണ്ടായിട്ടില്ല. ബാങ്കിംഗ് പരിഷ്‌കാരം ഒരു കാരണവുമില്ലാതെ ഒന്നര വര്‍ഷം നീട്ടിക്കൊണ്ടു പോയി. ആമയോടാണ് ഈ സര്‍ക്കാരിനെ ഉപമിക്കാനാവുക. അതും ഉറങ്ങിക്കിടക്കുന്ന ആമയോട്. പ്രധാനമന്ത്രിയെ സന്ദര്‍ശിക്കുന്ന വ്യവസായികള്‍ സത്യം പറയുന്നില്ല. എന്താണ് സംഭവിക്കുന്നതെന്ന് അദ്ഭുതപ്പെടുന്ന അവര്‍ എന്തെങ്കിലും ചെയ്യൂ എന്ന് അപേക്ഷിക്കുക മാത്രമാണു ചെയ്യുന്നത്. എന്നിട്ട് പുറത്തുവന്ന് പത്തില്‍ ഒമ്പതു മാര്‍ക്ക് സര്‍ക്കാരിനു നല്‍കുകയും ചെയ്യും.\'
പ്രധാനമന്ത്രിയുടെ ഓഫിസ് (പിഎംഒ) പോലെ ഇത്രയും അശക്തമായ ഒരു ഓഫിസ് കണ്ടിട്ടില്ലെന്നും അധികാരമല്ല, പ്രവര്‍ത്തനങ്ങളാണ് പിഎംഒയില്‍ കേന്ദ്രീകരിച്ചിരിക്കുന്നതെന്നും ഷൂറി പറയുന്നു. എല്ലാവരും തിരക്കിലാണ്, കഠിനമായി അധ്വാനിക്കുകയും ചെയ്യുന്നു. പക്ഷേ ഫലമുണ്ടാകുന്നില്ല, ഇതായിരുന്നു യുപിഎ സര്‍ക്കാരിന്റെ കാലത്തു സംഭവിച്ചത്. ബാങ്കിങ് പരിഷ്‌കാരങ്ങള്‍ ഒന്നര വര്‍ഷത്തോളമായി വൈകുകയാണ്. ഇതിനു ഒരു കാരണവും പറയാനില്ല. ആമയെപ്പോലെ ഇഴഞ്ഞാണ് നീങ്ങുന്നത്.
വ്യവസായികള്‍ക്ക് ഭരണകൂടത്തിനെതിരെ സംസാരിക്കാന്‍ പേടിയാണ്. പ്രധാനമന്ത്രിയോടു മുഴുവന്‍ സത്യങ്ങളും വ്യവസായികള്‍ പറയുന്നില്ല. മാധ്യമങ്ങള്‍ക്കു മുന്നില്‍ സര്‍ക്കാരിന് പത്തില്‍ ഒന്‍പതു മാര്‍ക്കും നല്‍കുന്നു. ഒന്നും ചെയ്യാതെ പാര്‍ലമെന്റ് ഒഴിഞ്ഞുമാറുകയാണ്. എല്ലാവരുമായി വഴക്കിടാതെ, യോജിച്ചുപോകണം. ഡല്‍ഹി മുംബൈ വ്യാവസായിക ഇടനാഴി പണിയണമെങ്കില്‍ അഞ്ച് മുഖ്യമന്ത്രിമാരുടെ പിന്തുണ വേണം, ഷൂറി കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha