ബീഫ് വിഷയത്തില്, കേരള ഹൗസില് പൊലീസ് മിതത്വം കാട്ടിയില്ലെന്നു മുഖ്യമന്ത്രി ഉമ്മന് ചാണ്ടി; വിമര്ശനവുമായി പിണറായിയും, പ്രതിഷേധിച്ച് കെജരിവാള്
ഡല്ഹി പോലീസ് കേരളാ ഹൗസില് നടത്തിയത് അഴിഞ്ഞാട്ടമെന്നാരോപിച്ച് നേതാക്കള് രംഗത്ത്.
ബീഫിന്റെ പേരില് ഗോമാംസം വിളമ്പിയെന്നാരോപിച്ചതിനെ തുടര്ന്നു കേരള ഹൗസില് റെയ്ഡ് നടത്തിയ ഡല്ഹി പൊലീസ് നടപടി തെറ്റായി പോയെന്നു മുഖ്യമന്ത്രി ഉമ്മന് ചാണ്ടി വ്യക്തമാക്കി. ഡല്ഹി പൊലീസ് മിതത്വം പാലിക്കണമായിരുന്നെന്നു. സംഭവത്തിന്റെ വിശദാംശങ്ങള് പരിശോധിച്ച ശേഷം തുടര് നടപടിയെന്നും അദ്ദേഹം പറഞ്ഞു. കേരള ഹൗസ് സ്വകാര്യ ഹോട്ടലല്ല, സര്ക്കാര് സ്ഥാപനമാണെന്നും മുഖ്യമന്ത്രി കൂട്ടിച്ചേര്ത്തു. തിങ്കളാഴ്ചയാണ് ബീഫിന്റെ പേരില് ഗോമാംസം വിളമ്പിയെന്നാരോപിച്ചു ഡല്ഹിയിലെ കേരള ഹൗസില് സംഘര്ഷമുണ്ടായത്. ഉച്ചയ്ക്കു ഭക്ഷണം കഴിക്കാനെത്തിയ മൂന്നു യുവാക്കളാണ് ഗോമാംസമാണ് കേരളാ ഹൗസിന്റെ സമൃദ്ധി റസ്റ്ററന്റില് വിളമ്പുന്നതെന്ന് ആരോപിച്ച് ബഹളമുണ്ടാക്കിയത്. തൊട്ടു പിന്നാലെ മുപ്പതോളം വരുന്ന പൊലീസ് സംഘവും പരിശോധനയ്ക്കായി സ്ഥലത്തെത്തുകയായിരുന്നു. പൊലീസ് അടുക്കളയില് കയറി പരിശോധന നടത്തിയെങ്കിലും ഒന്നും കണ്ടെത്താനായിരുന്നില്ല.
പശുവിറച്ചി അന്വേഷിച്ച് പൊലീസ് തിരച്ചില് നടത്തിയ ഡല്ഹിയിലെ കേരളാ ഹൗസ് കാന്റീനില് ബീഫ് കറി വില്ക്കുന്നത് നിര്ത്തിവച്ചു. പശുമാംസമല്ല പോത്തിറച്ചിയാണ് നല്കിയിരുന്നതെന്നും തെറ്റിദ്ധാരണയുടെ പുറത്താണ് തിരച്ചില് നടത്തിയെന്നും അധികൃതര് വ്യക്തമാക്കി. ഡല്ഹി പൊലീസിന്റെ നീക്കത്തെ മുഖ്യമന്ത്രി ഉമ്മന് ചാണ്ടിയുടെ അപലപിച്ചു.
അതിനിടെ ദാദ്രിയില് മുഹമ്മദ് അഖ്ലാക്കിനെ കൊന്നവര് തന്നെയാണ് പശുവിറച്ചി അന്വേഷിച്ച് കേരളാ ഹൗസിലും കയറിയതെന്ന് സിപിഐ(എം) നേതാവ് പിണറായി വിജയന് ആരോപിച്ചു. നാളെ നാട്ടിലെ എല്ലാ അടുക്കളയിലും ഇവര് അതിക്രമിച്ചു കയറുമെന്ന മുന്നറിയിപ്പാണ് ഇതെന്നും അദ്ദേഹം ഫേസ്ബുക്ക് പോസ്റ്റില് പറഞ്ഞു. കേരള ഹൗസിന് കീഴില് ജീവനക്കാര് നടത്തുന്ന സമൃദ്ധി റസ്റ്റോറന്റിലാണ് തിങ്കളാഴ്ച മുപ്പതോളം പൊലീസുകാര് പശുവിറച്ചി തേടി എത്തിയത്. പരിശോധനയില് ഒന്നും കണ്ടെത്താനാകാതെ മടങ്ങി. ഇതേതുടര്ന്ന് കാന്റീന് പൊലീസ് സംരക്ഷണം ആവശ്യപ്പെട്ടിട്ടുണ്ടെന്ന് അധികൃതര് വ്യക്തമാക്കി. വിവാദത്തോടെ ബീഫ് വില്പന കേരളാ ഹൗസില് നിര്ത്തി വച്ചിരിക്കുകയാണ്.
ഭക്ഷണം കഴിക്കാനെത്തിയ മലയാളി യുവാവും രണ്ട് കര്ണാടക സ്വദേശികളുമാണ് പൊലീസില് വിവരമറിയിച്ചത്. വിലവിവരപ്പട്ടികയില് ബീഫ് എന്ന് മലയാളത്തിലും ബാക്കി ഇനങ്ങള് ഇംഗ്ലീഷിലുമാണ് രേഖപ്പെടുത്തിയിട്ടുള്ളത്. മലയാളത്തില് എഴുതി നിയമവിരുദ്ധമായി ഗോമാംസം വില്ക്കുകയാണെന്ന് ഇവര് ആരോപിച്ചു. ഇതിനിടെ ഇവര് വിഭവങ്ങള് രേഖപ്പെടുത്തിയ പട്ടികയുടെ ചിത്രമെടുക്കാന് ശ്രമിച്ചു. ഫോട്ടോ എടുക്കുന്നത് ജീവനക്കാര് ചോദ്യം ചെയ്തു. ഇത് സംഘര്ഷത്തിനിടയാക്കി. ബീഫ് എന്ന് രേഖപ്പെടുത്തിയത് പോത്തിറച്ചിയാണെന്നും പശുവിറച്ചി കേരളഹൗസില് വിളമ്പാറില്ലെന്നും ജീവനക്കാര് അറിയിച്ചു. ഇതുമായി ബന്ധപ്പെട്ട വാക്കുതര്ക്കം െറസ്റ്റോറന്റില് സംഘര്ഷത്തിനിടയാക്കി. തുടര്ന്നാണ് പൊലീസില് പരാതി നല്കിയത്.
കേരളഹൗസ് കേരളസര്ക്കാരിന്റെ ഉടമസ്ഥതയിലുള്ളതാണെന്നും ഡല്ഹി പൊലീസിന് പരിശോധിക്കാന് സര്ക്കാരിന്റെ അനുമതി വേണമെന്ന് ഉദ്യോഗസ്ഥര് പറഞ്ഞെങ്കിലും അവര് ചെവിക്കൊണ്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
