ഓരോരുത്തരുടെ തൊലിക്കട്ടി; സി.പി.എമ്മിനെ പരിഹസിച്ച് എഫ്.ബി പോസ്റ്റ് പിന്വലിച്ച് വി.ടി. ബല്റാം
20 MAY 2023 09:39 PM IST
മലയാളി വാര്ത്ത
ദേശീയതലത്തില് പ്രതിപക്ഷ ഐക്യം അനിവാര്യമായ ഘട്ടത്തില്, ബല്റാമിന്റെ പോസ്റ്റിനെതിരെ വ്യാപക വിമര്ശനം ഉയര്ന്നതോടെ അദ്ദേഹം പിന്നീട് പിന്വലിച്ചു. 'ക്ഷണിക്കുക എന്നത് കോണ്ഗ്രസിന്റെ മര്യാദ, ബാക്കിയൊക്കെ ഓരോരുത്തരുടെ തൊലിക്കട്ടി' എന്ന കുറിപ്പിനൊപ്പമാണ് ബല്റാം ചിത്രം ഫേസ്ബുക്കില് പോസ്റ്റ് ചെയ്തത്. കര്ണാടകയിലെ സത്യപ്രതിജ്ഞാ ചടങ്ങില് പ്രതിപക്ഷ കക്ഷി നേതാക്കളെയെല്ലാം ക്ഷണിച്ചിരുന്നു. സി.പി.ഐ ജനറല് സെക്രട്ടറി ഡി. രാജ, തമിഴ്നാട് മുഖ്യമന്ത്രി എം.കെ. സ്റ്റാലിന്, ബിഹാര് മുഖ്യമന്ത്രി നിതീഷ് കുമാര്, എന്.സി.പി അധ്യക്ഷന് ശരദ് പവാര്, ബിഹാര് ഉപമുഖ്യമന്ത്രി തേജസ്വി യാദവ്, ജാര്ഖണ്ഡ് മുഖ്യമന്ത്രി ഹേമന്ത് സോറന് തുടങ്ങിയവരെല്ലാം സത്യപ്രതിജ്ഞാ ചടങ്ങിന് എത്തിയിരുന്നു.
കര്ണാടകയിലെ സത്യപ്രതിജ്ഞയുമായി ബന്ധപ്പെട്ട് നേരത്തേയിട്ടിരുന്ന ഒരു പോസ്റ്റ് പിന്വലിക്കുകയാണെന്ന് ബല്റാം പിന്നീട് അറിയിച്ചു. 'ട്രോള് രൂപത്തില് ഉദ്ദേശിച്ച പോസ്റ്റ് ഒരധിക്ഷേപമായി വ്യാഖ്യാനിക്കപ്പെട്ട സാഹചര്യത്തിലാണിത്. ദേശീയ രാഷ്ട്രീയത്തില് മതേതര ചേരിക്ക് നേതൃത്വം നല്കുന്നതില് കോണ്ഗ്രസിന്റെ അനിഷേധ്യമായ പങ്ക് തിരിച്ചറിയാന് ഇക്കഴിഞ്ഞ കര്ണാടക തെരഞ്ഞെടുപ്പില്പ്പോലും കോണ്ഗ്രസ് വിരുദ്ധ നിലപാട് സ്വീകരിച്ച സി.പി.എമ്മിന്റെ നേതൃത്വത്തിന് തുടര്ന്നും കഴിയുമെന്ന് പ്രതീക്ഷിക്കുന്നു. കോണ്ഗ്രസിനെ നിരന്തരം അധിക്ഷേപിക്കുകയും പരിഹസിക്കുകയും ചെയ്യുന്ന കേരളത്തിലെ സി.പി.എം നേതൃത്ത്വത്തെയും ഇക്കാര്യം ബോധ്യപ്പെടുത്താന് അവരുടെ കേന്ദ്ര നേതൃത്വത്തിന് സാധിക്കട്ടെ' -ബല്റാം ഫേസ്ബുക്കില് കുറിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
