ഒഡീഷയിലെ ബാലസോറിലുണ്ടായ ട്രെയിന് അപകടത്തില് കേന്ദ്ര റെയില്വേമന്ത്രി അശ്വിനി വൈഷ്ണവ് ഉന്നതതല അന്വേഷണം പ്രഖ്യാപിച്ചു.... ഒഡീഷ മുഖ്യമന്ത്രിയും കേന്ദ്ര റെയില്വേമന്ത്രിയും അപകടസ്ഥലം സന്ദര്ശിക്കും
ഒഡീഷയിലെ ബാലസോറിലുണ്ടായ ട്രെയിന് അപകടത്തില് കേന്ദ്ര റെയില്വേമന്ത്രി അശ്വിനി വൈഷ്ണവ് ഉന്നതതല അന്വേഷണം പ്രഖ്യാപിച്ചു. അപകടത്തിന്റെ മൂലകാരണം കണ്ടെത്തണമെന്ന് അശ്വിനി വൈഷ്ണവ് പറഞ്ഞു.
അശ്വിനി വൈഷ്ണവ് ഇന്നു രാവിലെ അപകട സ്ഥലം സന്ദര്ശിക്കും. ഒഡീഷ മുഖ്യമന്ത്രി നവീന് പട്നായിക്കും അപകടസ്ഥലം സന്ദര്ശിക്കും. അതിനിടെ, മനഃസാക്ഷിയുണ്ടെങ്കില് റെയില്വേ മന്ത്രി രാജിവയ്ക്കണമെന്ന് തൃണമൂല് കോണ്ഗ്രസ് നേതാവ് ഡെറിക് ഒബ്രിയന് പറഞ്ഞു.
ഇന്നലെ രാത്രി 7.20ന് ബാലസോര് ജില്ലയിലെ ബഹനാഗ ബസാര് സ്റ്റേഷനു സമീപമുണ്ടായ അപടത്തില് ഇതുവരെ 233 പേരാണ് മരിച്ചത്. 900ലേറെ പേര്ക്ക് പരുക്കേറ്റു.
ബസാര് സ്റ്റേഷനു സമീപം പാളം തെറ്റി തൊട്ടടുത്ത ട്രാക്കിലേക്കു മറിഞ്ഞ ബെംഗളൂരു ഹൗറ (12864) സൂപ്പര് ഫാസ്റ്റ് എക്സ്പ്രസിലേക്ക് കൊല്ക്കത്തയിലെ ഷാലിമാറില്നിന്നു ചെന്നൈ സെന്ട്രലിലേക്കു പോകുകയായിരുന്ന കൊറമാണ്ഡല് എക്സ്പ്രസ് (12841) ഇടിച്ചുകയറി. മറിഞ്ഞുകിടന്ന കൊറമാണ്ഡല് എക്സ്പ്രസിന്റെ കോച്ചുകളിലേക്ക് മറ്റൊരു ട്രാക്കിലൂടെ വന്ന ഗുഡ്സ് ട്രെയിനും ഇടിച്ചുകയറിയത് ദുരന്തത്തിന്റെ ആഘാതമിരട്ടിയാക്കി.
"
https://www.facebook.com/Malayalivartha
