ആശങ്കയോടെ കണക്കുകള്‍. പിടി വീഴാതെ കുറ്റകൃത്യങ്ങള്‍. കുട്ടികള്‍ ഉള്‍പ്പെടുന്ന കേസുകള്‍ അമ്പത് ശതമാനം വര്‍ദ്ധിച്ചതായി കേന്ദ്രസര്‍ക്കാര്‍ ലോക്‌സഭയെ അറിയിച്ചു. 2005മുതല്‍ 2014 വരെയുള്ള ഒമ്പതു വര്‍ഷ കാലയളവിലാണ് കുറ്റകൃത്യങ്ങള്‍ 50.6 ശാതമാനത്തിലേക്ക് ഉയര്‍ന്നത്. സംസ്ഥാനങ്ങളില്‍ നിന്നുള്ള കണക്കുകള്‍ പ്രകാരം 2005 ല്‍ 25,601 കേസുകളില്‍ കുട്ടികള്‍ ഉള്‍പ്പെട്ടിരുന്നു. 2014 ആയപ്പോഴേയ്ക്കും ഇത് 38,586 ആയി വര്‍ദ്ധിച്ചു.
നാഷ്ണല്‍ െ്രെകം റെക്കോര്‍ഡ്‌സ് ബ്യുറോയുടെ കണക്കുകള്‍ അനുസരിച്ച് മോഷണക്കുറ്റത്തിനാണ് കൂടുതല്‍ കുട്ടികള്‍ ശിക്ഷിക്കപ്പെട്ടിട്ടുള്ളത്. 20 ശതമാനം. 5.9 ശതമാനം കുട്ടികള്‍ പീഡനക്കുറ്റത്തിനും 4.7 ശതമാനം കുട്ടികള്‍ സത്രീകള്‍ക്കുനേരെയുള്ള കുറ്റകൃത്യങ്ങള്‍ക്കും 4.7 ശതമാനം മറ്റ് കുറ്റകൃത്യങ്ങള്‍ക്കുമാണ് ശിക്ഷിക്കപ്പെട്ടിരിക്കുന്നത്.
കുട്ടി കുറ്റകൃത്യങ്ങള്‍ ഏറ്റവുമധികം റിപ്പോര്‍ട്ട് ചെയ്യപ്പെട്ടിരിക്കുന്നത് മധ്യപ്രദേശിലാണ്. രണ്ടാമത് മഹാരാഷ്ട്രയും മൂന്നും നാലും സ്ഥാനങ്ങളില്‍ ബീഹാറും രാജസ്ഥാനുമാണ്. അഞ്ചാം സ്ഥാനത്താണ് ഡല്‍ഹി. വരുമാനത്തിന്റെ അടിസ്ഥാനത്തില്‍ നടത്തിയ പഠനത്തില്‍ വാര്‍ഷിക വരുമാനം 25,000 ത്തില്‍ കുറവുള്ള കുടംബങ്ങളില്‍ നിന്നുള്ള കുട്ടികളാണ് കൂടുതലായും കുറ്റകൃത്യങ്ങളില്‍ ഉള്‍പ്പെടുന്നതെന്ന് വ്യക്തമായി. 55.6 ശതമാനം കുട്ടികളാണ് ഈ വിഭാഗത്തില്‍ നിന്നും കേസുകളില്‍ ഉള്‍പ്പെട്ടിരിക്കുന്നത്.
വാര്‍ഷിക വരുമാനം 25,000 മുതല്‍ 50,000 വരെയുള്ള വിഭാഗത്തില്‍ നിന്നും 22.4 ശതമാനവും 50,000 മുതല്‍ രണ്ട് ലക്ഷം വരെയുള്ള വിഭാഗത്തില്‍ നിന്നും 19.5 ശതമാനം കുട്ടികളും രണ്ട് മുതല്‍ മൂന്ന് ലക്ഷം വരെ വാര്‍ഷിക വരുമാനമുള്ള വിഭാഗത്തില്‍ നിന്നും 1.6 ശതമാനം കുട്ടികളും മൂന്ന് ലക്ഷത്തിനുമുകളില്‍ വരുമാനമുള്ള വിഭാഗത്തില്‍ നിന്നും 0.9 ശതമാനം കുട്ടികളുമാണ് കുറ്റകൃത്യങ്ങളില്‍ ഉള്‍പ്പെടുന്നത്

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha