സുപ്രീംകോടതിയുടെ ഡീസല് കാര് നിരോധന ഉത്തരവ് ഏറെ നിര്ഭാഗ്യകരമെന്ന് വാഹന വ്യവസായികള്
തലസ്ഥാന നഗര മേഖലയില് 2000 സിസിയില് കൂടുതല് എന്ജിന് കപ്പാസിറ്റിയുള്ള ഡീസല് കാറുകള്ക്ക് താല്ക്കാലിക നിരോധനം ഏര്പ്പെടുത്തിയ സുപ്രീം കോടതി ഉത്തരവ് നിര്ഭാഗ്യകരമാണെന്നു വാഹന വ്യവസായികള് . ഡല്ഹിയിലെ മലിനീകരണ പ്രശ്നത്തെ സമഗ്രതയില് കാണുന്നതിനു പകരം ഇത്തരം നടപടി സ്വീകരിച്ചത് ഗുണം ചെയ്യില്ല. എന്നാല് നിയമം പാലിക്കാന് ബാധ്യസ്ഥരാകയാല് പുതിയ വ്യവസ്ഥകള്ക്കനുസരിച്ച് വാഹനങ്ങള് വികസിപ്പിക്കുമെന്ന് വിവിധ കമ്പനി മേധാവികള് പറഞ്ഞു.
വളരെയധികം ജനപ്രിയ വാഹനങ്ങളുടെ വില്പനയെ ഈ ഉത്തരവ് ബാധിക്കും. മഹീന്ദ്രയുടെ എക്സ് യു വി 500, സ്കോര്പിയോ, സൈലോ, ബൊലേറോ എന്നിവയ്ക്കെല്ലാം 2000 സിസിയിലേറെയാണ് എന്ജിന് ശേഷി. ടൊയോട്ട ഇന്നോവ, ഫോര്ച്യൂണര് എന്നിവയും ടാറ്റ സുമോ, സഫാരി, ആര്യ എന്നിവയും ഇക്കൂട്ടത്തില്പ്പെടും. ആഡംബര കാര് നിര്മാതാക്കളായ മെഴ്സിഡീസ് ബെന്സിന്റെ എല്ലാ ഡീസല് മോഡലുകളും ബിഎംഡബ്ള്യുവിന്റെ ആറ് മോഡലുകളും ഉത്തരവിനെത്തുടര്ന്ന് ഡല്ഹിയില് വില്ക്കാനാകാതെ വരും. ഔഡിയുടെ രണ്ടു മോഡലുകളാണ് 2000 സിസിക്കു മുകളില് എന്ജിന് ശേഷിയുള്ളത്. മാര്ച്ച് 31 വരെയാണു വില്പന നിരോധനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
