കേന്ദ്രസര്‍ക്കാര്‍ സര്‍ക്കാര്‍ സേവനങ്ങള്‍ക്കുള്ള നടപടികള്‍ ലളിതമാക്കാന്‍ തീരുമാനം. ജനന മരണ സര്‍ട്ടിഫിക്കറ്റുകളുടെ അപേക്ഷകള്‍ ലളിതമാക്കുകയും നിരവധി പേജുകളിലായി കിടക്കുന്ന ഇവയെ ഒരു പേജിലേക്ക് ചുരുക്കാനുമാണ് പദ്ധതിയെന്ന് കേന്ദ്ര മന്ത്രി ജിതേന്ദ്ര സിങ്ങ് അറിയിച്ചു. പുതിയ അപേക്ഷയില്‍ ആവശ്യമുള്ളതും കൃത്യമായ വിവരങ്ങള്‍ നല്‍കുന്നതുമായ ചോദ്യങ്ങളാകും ഉണ്ടാവുക. ഉടന്‍ തന്നെ ഇത് നടപ്പിലാക്കാനാണ് ഉദ്ദേശിക്കുന്നതെന്നും അദ്ദേഹം പറഞ്ഞു. പെന്‍ഷന്‍ പറ്റിയ സര്‍ക്കാര്‍ ഉദ്യോഗസ്ഥര്‍ക്കുള്ള അപേക്ഷകളും ലഘൂകരിക്കാനും പദ്ധതിയുണ്ട്. ഒറ്റപേജ് അപേക്ഷയാക്കാനാണ് ഉദ്ദേശമെന്ന് മന്ത്രി അറിയിച്ചു. ഇത് ഒരു വര്‍ഷത്തിനകം നടപ്പിലാക്കുമെന്നും മന്ത്രി അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha