ദില്ലി ജില്ലാ ക്രിക്കറ്റ് അസോസിയേഷന്‍ അഴിമതിയുമായി ബന്ധപ്പെട്ട് അരുണ്‍ ജയ്റ്റ്‌ലിയുടെ പങ്ക് തെളിയിക്കുന്ന കൂടുതല്‍ തെളിവുകള്‍ ആം ആദ്മി പാര്‍ട്ടി പുറത്ത് വിട്ടു. അഴിമതിയുമായി ബന്ധപ്പെട്ട് ക്രിക്കറ്റ് അസോസിയേഷന് ജയ്റ്റ്‌ലി അയച്ച രണ്ട് കത്തുകളാണ് ആം ആദ്മി പാര്‍ട്ടി പുറത്തു വിട്ടത്. ക്രിക്കറ്റ് അസോസിയേഷനില്‍ യാതൊരു അഴിമതിയും നടന്നിട്ടില്ലെന്ന് കാണിച്ച് ദില്ലി പൊലീസ് കമ്മീഷണര്‍ക്ക് അരുണ്‍ ജയ്റ്റ്‌ലി അയച്ച കത്തിന്റെ പകര്‍പ്പുകളാണ് പുറത്തു വിട്ടത്.
ക്രിക്കറ്റ് അസോസിയേഷനുമായി ബന്ധപ്പെട്ട അഴിമതികളെ കുറിച്ച് ജയ്റ്റ്‌ലിക്ക് നേരത്തെ തന്നെ അറിയാമായിരുന്നുവെന്ന് കത്തില്‍ നിന്ന് വ്യക്തമാകുന്നതായി ആംആദ്മി പാര്‍ട്ടി ആരോപിക്കുന്നു. അഴിമതി നടത്തിയിട്ടില്ലെങ്കിലും ജയ്റ്റ്‌ലിക്ക് ഇതേക്കുറിച്ചറിയാമായിരുന്നുവെന്ന് ആം ആദ്മി പാര്‍ട്ടി കുറ്റപ്പെടുത്തുന്നു.
അതേസമയം ഇന്നലെ ക്രിക്കറ്റ് ഭരണസമിതി ഉന്നതര്‍ക്കെതിരെ ദില്ലി മുഖ്യമന്ത്രി അരവിന്ദ് കെജരിവാള്‍ ലൈംഗികാരോപണം ഉന്നയിച്ചിരുന്നു. ഒരു മുതിര്‍ന്ന മാധ്യമപ്രവര്‍ത്തകന്റെ ബന്ധുവിന്റെ മകനെ ടീമിലെടുക്കാന്‍ അദ്ദേഹത്തിന്റെ ഭാര്യയെ കിടപ്പറയിലേക്ക് ക്ഷണിച്ചതായി കെജ്രിവാള്‍ ആരോപിച്ചു. ഒരു ചാനലിന് അനുവദിച്ച അഭിമുഖത്തിലാണ് കെജ്രിവാള്‍ ആരോപണം ഉന്നയിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha