മറാത്തി കവി മങ്കേഷ് പാഡ്ഗാവ്കര്‍ അന്തരിച്ചു
പ്രമുഖ മറാത്തി കവിയും പത്മഭൂഷണ്‍ പുരസ്‌കാര ജേതാവുമായ മങ്കേഷ് കേശവ് പാഡ്ഗാവ്കര്‍ അന്തരിച്ചു. 86 വയസായിരുന്നു.
അല്പനാളായി രോഗാവസ്ഥയിലായിരുന്ന അദ്ദേഹത്തിന്റെ അന്ത്യം ബുധനാഴ്ച മുംബൈയിലായിരുന്നു.
മഹാരാഷ്ട്ര സിന്ധുദുര്‍ഗ് ജില്ലയിലെ വെങ്കുര്‍ള സ്വദേശിയാണ് പാഡ്ഗാവ്കര്‍. 2013-ലാണ് രാജ്യം പത്മഭൂഷണ്‍ നല്‍കി അദ്ദേഹത്തെ ആദരിച്ചത്.
ഏഴ് പതിറ്റാണ്ടു നീണ്ട കാവ്യസപര്യയ്ക്കിടെ നിരവധി പ്രബന്ധങ്ങളും അദ്ദേഹം രചിച്ചിട്ടുണ്ട്. സാഹിത്യ അക്കാദമി പുരസ്‌കാരം, മഹാരാഷ്ട്ര ഭൂഷന്‍ പുരസ്‌കാരം, മഹാരാഷ്ട്ര സാഹിത്യ പരിഷത് പുരസ്‌കാരം തുടങ്ങി നിരവധി പുരസ്‌കാരങ്ങള്‍ അദ്ദേഹത്തിന് ലഭിച്ചു. ഭാര്യ: യശോധ പഡ്‌ഗോങ്കര്‍.
പാഡ്ഗാവ്കറുടെ വിയോഗത്തില്‍ പ്രധാനമന്ത്രി നരേന്ദ്ര മോദി ദു:ഖം രേഖപ്പെടുത്തി. മറാത്തി സാഹിത്യത്തിലെ ശ്രേഷ്ഠനായിരുന്നു പാഡ്ഗാവ്കറെന്ന് പ്രധാനമന്ത്രി ട്വിറ്ററിലൂടെ അനുസ്മരിച്ചു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivarthahttps://www.facebook.com/Malayalivartha
