ഏഴാം തവണയും ജയലളിത തന്നെ
തുടര്ച്ചയായ ഏഴാം തവണയും തമിഴ്നാട് മുഖ്യമന്ത്രി ജയലളിതയെ എഡിഎംകെ ജനറല്സെക്രട്ടറിയായി തെരഞ്ഞെടുത്തു. ചെന്നൈയില് ചേര്ന്ന പാര്ട്ടി ജനറല് കൗണ്സില് യോഗത്തിലാണ് ജയലളിതയെ എഐഎഡിഎംകെ ജനറല് സെക്രട്ടറിയായി തെരഞ്ഞെടുത്തത്.
ജയലളിതയുടെ നേതൃത്വത്തില് 2016 വര്ഷം അണ്ണാ ഡിഎംകെയുടെ വര്ഷമായിരിക്കുമെന്ന് പാര്ട്ടി ജനറല് കൗണ്സില് അംഗങ്ങള് പറഞ്ഞു. അടുത്തവര്ഷം മധ്യത്തോടെ തമിഴ്നാട്ടില് നടക്കുന്ന തെരഞ്ഞെടുപ്പുമായി ബന്ധപ്പെട്ടുള്ള എല്ലാ തീരുമാനങ്ങളും എടുക്കാന് ജയലളിതയെ യോഗം ചുമതലപ്പെടുത്തിയിട്ടുണ്ട്. പൊങ്കലിന് ജെല്ലിക്കെട്ടു നടത്തുന്നതിന് അനുമതി നല്കി കേന്ദ്രം പ്രത്യേകം ഓഡിനന്സ് പാസാക്കുന്നതുള്പ്പെടെ 14 പ്രമേയങ്ങളാണ് യോഗം സ്വീകരിച്ചിരിക്കുന്നത്.
മുന്നണിക്കു നേരെ ഉയരുന്ന എല്ലാ ഭീഷണികളേയും തകര്ക്കാന് ജയലളിതയുടെ നേതൃത്വത്തില് സാധിക്കുമെന്ന് യോഗം വിലയിരുത്തി. ചെന്നൈ വെള്ളപ്പൊക്ക ദുരിതത്തില് പെട്ടവര്ക്ക് സഹായം എത്തിക്കാനായി ജയലളിതയുടെ നേതൃത്വത്തില് നടന്ന അടിയന്തര സഹായ പ്രവര്ത്തനങ്ങളേയും യോഗം പ്രശംസിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
