തലസ്ഥാന നഗരത്തിലെ വായു മലിനീകരണം നിയന്ത്രിക്കുന്നതിന് ഡല്‍ഹി സര്‍ക്കാര്‍ ആവിഷ്‌കരിച്ച ഒറ്റ , ഇരട്ട അക്ക വാഹന നിയന്ത്രണം ഇന്നു മുതല്‍ നിലവില്‍ വരും. പദ്ധതിയനുസരിച്ച് ഒന്നാം തീയതിയായ ഇന്ന് ഒറ്റയക്ക നമ്പറില്‍ അവസാനിക്കുന്ന വാഹനങ്ങള്‍ മാത്രമേ പുറത്തിറങ്ങുകയുള്ളു. നിയമം തെറ്റിച്ച് ഇരട്ടയക്ക നമ്പറുള്ള വാഹനങ്ങളുമായി പുറത്തിറങ്ങുന്നവര്‍ക്ക് രണ്ടായിരം രൂപ പിഴയാണ് ശിക്ഷ.

രാവിലെ എട്ടുമണിമുതല്‍ വൈകിട്ട് എട്ടുമണിവരെയാണ് നിയന്ത്രണം. ഇരുചക്ര വാഹനങ്ങള്‍ക്കും സി. എന്‍.ജി കാറുകള്‍ക്കും , ആംബുലന്‍സിനും , രോഗികളെ കൊണ്ടുപോകുന്ന വാഹനങ്ങള്‍ക്കും സ്ത്രീകള്‍ മാത്രം യാത്ര ചെയ്യുന്ന വാഹനങ്ങള്‍ക്കും വി. ഐ . പി വാഹനങ്ങള്‍ക്കും നിയന്ത്രണത്തില്‍ നിന്ന് ഒഴിവുണ്ട്. എന്നാല്‍ ഡല്‍ഹി മുഖ്യമന്ത്രിയടക്കം മന്ത്രിമാര്‍ നിയന്ത്രണത്തിനുള്ളില്‍ വരും.

നിയന്ത്രണം നടപ്പിലാക്കുന്നതുവഴിയായി പൊതുജനത്തിന് ബുദ്ധിമുട്ട് നേരിടാതിരിക്കുന്നതിനായി 3000 ബസുകള്‍ കൂടുതലായി ഓടിക്കുമെന്നും മെട്രോ ടെയിനുകള്‍ കൂടുതല്‍ സമയം ഓടുമെന്നും മുഖ്യമന്ത്രി അരവിന്ദ് കെജ്‌രിവാള്‍ വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha