പ്രധാനമന്ത്രി നരേന്ദ്രമോഡി വിദേശ യാത്രകള്‍ കുറയ്ക്കാന്‍ തീരുമാനിച്ചു. പുതുവര്‍ഷത്തില്‍ അത്യാവശ്യ വിദേശപര്യടനങ്ങളും യാത്രകളും മാത്രം മതിയെന്ന് പ്രധാനമന്ത്രിയുടെ ഓഫീസ് വിദേശകാര്യ മന്ത്രാലയത്തിന് നിര്‍ദേശം നല്‍കിയെന്നാണ് റിപ്പോര്‍ട്ട്. ഭരണത്തില്‍ കൂടുതല്‍ ശ്രദ്ധ കേന്ദ്രീകരിക്കാനാണ് വിദേശയാത്രകള്‍ കുറയ്ക്കുന്നത്. 

2016ല്‍ പുതിയ സന്ദര്‍ശനങ്ങള്‍ നടത്തില്ലെങ്കിലും നേരത്തെ സന്ദര്‍ശിക്കുമെന്നേറ്റ പ്രദേശങ്ങളിലേക്ക് യാത്ര നടത്തും. ഇന്ത്യയുടെ വാണിജ്യ ബന്ധങ്ങളെ പ്രോത്സാഹിപ്പിക്കുന്നതിനു വേണ്ടിയുള്ള രാജ്യാന്തര ഉച്ചകോടികളിലും സന്ദര്‍ശനങ്ങളിലുമായിരിക്കും മോഡി പങ്കെടുക്കുക.

പ്രധാനമന്ത്രി സ്ഥാനത്തെത്തിയതിനു ശേഷമുള്ള 19 മാസങ്ങള്‍ക്കിടെ 33 രാജ്യങ്ങളാണ് മോഡി സന്ദര്‍ശിച്ചത്. അടിക്കടിയുള്ള വിദേശയാത്രകളുടെ പേരില്‍ മോഡി പ്രതിപക്ഷ കക്ഷികളുടെ അടക്കമുള്ള വിമര്‍ശനങ്ങള്‍ ഏറ്റുവാങ്ങിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha