പഞ്ചാബിലെ പത്താന്‍കോട്ട് വ്യോമസേന താവളത്തിലുണ്ടായ ഭീകരാക്രമണം പാകിസ്ഥാനുമായി ബന്ധം മെച്ചപ്പെടുത്താനുള്ള പ്രധാനമന്ത്രി മോഡിയുടെ നീക്കങ്ങള്‍ക്ക് തിരിച്ചടിയാണെന്ന് ജമ്മു കാശ്മീര്‍ മുന്‍ മുഖ്യമന്ത്രി ഒമര്‍ അബ്ദുള . ഭീകരതയും ചര്‍ച്ചയും ഒരുമിച്ച് കൊണ്ടുപോകാന്‍ കഴിയില്ലെന്ന ബിജെപിയുടെ മുന്‍ നിലപാട് ശരിയാണെന്നും ഒമര്‍ ട്വിറ്ററില്‍ അറിയിച്ചു.
പാകിസ്ഥാനില്‍ അപ്രതീക്ഷിത സന്ദര്‍ശനം നടത്തിയ പ്രധാനമന്ത്രി നരേന്ദ്ര മോദിയുടെ നടപടിയെ നേരത്തെ ഒമര്‍ അബ്ദുള്ള പ്രശംസിച്ചിരുന്നു. അതേ സമയം പ്രകടനത്തേക്കാള്‍ സ്ഥിരതയാണ് വേണ്ടതെന്നും ഒമര്‍ പറഞ്ഞിരുന്നു. ഇന്ന് രാവിലെ പഞ്ചാബിലെ പത്താന്‍കോട്ടിലെ വ്യോമസേന താവളത്തിന് നേരെ നടന്ന ആക്രമണത്തില്‍ രണ്ട് സൈനികര്‍ കൊല്ലപ്പെട്ടു. നാല് ഭീകരരെ സൈന്യം വധിയ്ക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha