കേജരിവാളിന്റെ പദ്ധതിക്ക് വന്‍ പിന്തുണ. ഡല്‍ഹിക്കാര്‍ ഒറ്റക്കെട്ട്, ഒറ്റ ഇരട്ട ഗതാഗത നിയന്ത്രണത്തതില്‍ ഇന്നും ഡല്‍ഹിയെ ജനങ്ങള്‍ കൈവിട്ടില്ല. ഇരട്ട നമ്പര്‍ ഉള്ള വാഹനങ്ങള്‍ മാത്രമാണ് ഇന്ന് ഡല്‍ഹി നിരത്തുകളില്‍ കണ്ടത്. വാഹന നിയന്ത്രണത്തില്‍ ഡല്‍ഹി ഉപമുഖ്യമന്ത്രി മനീഷ് സിസോദിയ എ.ഐ.ആര്‍ ഓഫീസില്‍ എത്തിയത് സൈക്കിളിലായിരുന്നു.
സിസോദിയയ്ക്ക് ഒറ്റ നമ്പര്‍ കാറാണുള്ളത് എന്നാല്‍ അത് ഇന്ന് ഡല്‍ഹി നിരത്തിലിറക്കാന്‍ അനുമതിയില്ല. അതിനാലാണ് അദ്ദേഹം തന്റെയാത്ര സൈക്കിളിലാക്കിയത്.
ഇന്നലെ ആരംഭിച്ച ഒറ്റ ഇരട്ട വാഹന നിയന്ത്രണം വിജയമാണെന്നാണ് പൊതുവെ പറയുന്നത്. ഇന്ന് ഇരട്ട നമ്പര്‍ ഉള്ള വാഹനങ്ങള്‍ മാത്രമാണ് നിരത്തില്‍ ഇറങ്ങിയത്. ഇന്ന് ഇതുവരെ നിയമം ലംഘിച്ച റിപ്പോര്‍ട്ടുകള്‍ ഒന്നും പുറത്ത് വന്നിട്ടില്ല. ഇന്നും നിയന്ത്രണം വിജയം തന്നെയാണെന്നാണ് റിപ്പോര്‍ട്ട്.
തിരക്ക് കണക്കിലെടുത്ത് നിരീക്ഷണത്തിനായി കൂടുതല്‍ വോളന്റിയേഴ്‌സിനെയും പോലീസ് ഉദ്യോഗസ്ഥരെയും ഇന്ന് ഡല്‍ഹി നിരത്തുകളില്‍ നിയമിച്ചിട്ടുണ്ട്. പരിചയക്കാര്‍ തമ്മില്‍ സഹകരിച്ച് ഒരു വാഹനത്തില്‍ പോകുന്നത് സ്ഥിരം കാഴ്ച ആയിട്ടുണ്ട്.

തലസ്ഥാനത്തെ മലിനീകരണം തടയാന്‍ സര്‍ക്കാര്‍ തുടങ്ങിയ ഒറ്റഇരട്ട പദ്ധതി ജനങ്ങള്‍ അംഗീകരിച്ചെന്ന് മുഖ്യമന്ത്രി അരവിന്ദ് കേജ്‌രിവാള്‍. സര്‍ക്കാരിന്റെ പദ്ധതി ഇന്നലെ മുതലാണ് ആരംഭിച്ചത്.
പദ്ധതി പ്രകാരം ഒറ്റ സംഖ്യവാഹനങ്ങള്‍ക്കേ ഇന്നലെ നിരത്തിലിറങ്ങാന്‍ കഴിഞ്ഞുള്ളൂ. അതിനാല്‍ മുഖ്യമന്ത്രി കേജ്‌രിവാള്‍ തന്റെ ഒറ്റ സംഖ്യ കാര്‍ ആരോഗ്യ മന്ത്രി സത്യേന്ദ്രജയിനുമായി പങ്കിട്ടു. ടൂറിസം മന്ത്രി കപില്‍ മിശ്ര മോട്ടോര്‍ സൈക്കിളിലാണ് ഓഫീസിലെത്തിയത്.
പരിസ്ഥിതി മന്ത്രി ഇമ്രാന്‍ ഹുസൈന്റെ കാര്‍ ഇരട്ട സംഖ്യയായതിനാല്‍ അദ്ദേഹം ഓട്ടോയിലും സാമൂഹിക ക്ഷേമമന്ത്രി സന്ദീപ് കുമാര്‍ സിറ്റിബസിലുമാണ് എത്തിയത്.
ഏകദേശം ഇരുന്നൂറില്‍പരം വോളന്റിയര്‍മാരുടെ സംഘത്തെ പട്ടണത്തിലെ പല ഗതാഗത മേഖലകളില്‍ വിന്യസിച്ചിട്ടുണ്ടായിരുന്നു. പദ്ധതി ലംഘിക്കുന്നവര്‍ക്ക് അവര്‍ റോസാപൂക്കള്‍ നല്‍കി നിരോധനത്തെ പറ്റിയുള്ള ബോധവത്കരണം നല്‍കി.
എന്നാല്‍ പദ്ധതി ലംഘിക്കുന്നവരില്‍ നിന്നും പൊലീസ് 2000 രൂപ പിഴ ഈടാക്കും. അറുപത്തിആറില്‍പരം എന്‍ഫോഴ്‌സ്‌മെന്റ് സംഘാംഗങ്ങളുടെയും നാല്‍പത് സബ് ഡിവിഷന്‍ സംഘങ്ങളുടെയും നിരീക്ഷണത്തിലാണ് പദ്ധതി നടപ്പാക്കുന്നത്.
തലസ്ഥാനത്തെ വായു മലിനീകരണം നിയന്ത്രണത്തിലാക്കാന്‍ ഒറ്റസംഖ്യാ ദിനത്തില്‍ ഒറ്റ സംഖ്യാവാഹനങ്ങളും ഇരട്ട സംഖ്യാ ദിനത്തില്‍ ഇരട്ടസംഖ്യാ വാഹനങ്ങളും മാത്രം നിരത്തിലിറക്കുന്ന സര്‍ക്കാറിന്റെ പദ്ധതിയാണ് ഇനിയുള്ള രണ്ടാഴ്ച കാലത്തേക്ക് നിശ്ചയിച്ചിരിക്കുന്ന ഒറ്റഇരട്ട പദ്ധതി.
യാത്രക്കാര്‍ക്ക് എന്തെങ്കിലും തരത്തിലുള്ള ബുദ്ധിമുട്ടുകള്‍ ഉണ്ടായാല്‍ സഹായത്തിനായി രണ്ട് ഹെല്‍പ്‌ലൈന്‍ നമ്പറുകളും സര്‍ക്കാര്‍ ഒരുക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha