പത്താന്‍കോട്ട് ഭീകരാക്രമണത്തിനു പിന്നാലെ ഡല്‍ഹി-കാണ്‍പൂര്‍ റൂട്ടിലെ ട്രെയിനില്‍ ബോംബ് വച്ചിട്ടുള്ളതായി ഭീഷണി. മുംബൈ ഭീകരവിരുദ്ധസേനയ്ക്ക് ഇ-മെയിലിലാണ് ഭീഷണി സന്ദേശം ലഭിച്ചത്. അടുത്ത 72 മണിക്കൂറിനുള്ളില്‍ ട്രെയിനില്‍ സ്‌ഫോടനം നടക്കുമെന്നാണ് ഭീഷണി സന്ദേശത്തില്‍ പറഞ്ഞിരിക്കുന്നത്. 

ഭീഷണിയെത്തുടര്‍ന്ന് ഡല്‍ഹി അടക്കമുള്ള വിവിധ റയില്‍വേ സ്‌റ്റേഷനുകളില്‍ കര്‍ശന പരിശോധന നടക്കുകയാണ്. ഡല്‍ഹി-കാണ്‍പൂര്‍ റൂട്ടില്‍ ഓടുന്ന എല്ലാ ട്രെയിനുകളില്‍നിന്നും യാത്രക്കാരെ ഒഴിപ്പിച്ച ശേഷം പരിശോധന നടത്തുകയാണ്. ഇതേത്തുടര്‍ന്ന് പല ട്രെയിനുകളും വൈകിയാണ് ഓടുന്നത്. 

ഭീഷണിയെ തുടര്‍ന്ന് ഡല്‍ഹി-ലക്‌നൗ എക്‌സ്പ്രസ് ഗാസിയാബാദ് സ്‌റ്റേഷനില്‍ നിര്‍ത്തിയിട്ടു. യാത്രക്കാരെ ഒഴിപ്പിച്ചശേഷം ട്രെയിനില്‍ ബോംബ് സ്‌ക്വാഡ് എത്തി പരിശോധന നടത്തുകയാണ്. അതേസമയം പരിശോധന പൂര്‍ത്തിയായ നീലാഞ്ചല്‍ എക്‌സ്പ്രസ് യാത്ര തുടര്‍ന്നു. പത്താന്‍കോട്ടിലെ ആക്രമണത്തിന്റെ പശ്ചാത്തലത്തില്‍ രാജ്യമെങ്ങും കനത്ത ജാഗ്രതയിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha