അകന്നുകഴിയുന്ന ഭാര്യയ്ക്ക് വാട്ട്‌സ് ആപ്പില്‍ അശ്ലീല ദൃശ്യങ്ങളയച്ചയാളെ പൊലീസ് അറസ്റ്റ് ചെയ്തു. മുപ്പത്തെട്ടുകാരനായ വസ്ത്രവ്യാപാരിയെയാണ് ഭാര്യയുടെ പരാതിയുടെ അടിസ്ഥാനത്തില്‍ അറസ്റ്റ് ചെയ്തത്.

ഇമ്തിയാസ് ഷേര്‍ഖാന്‍ എന്നാണ് ഇയാളുടെ പേരെന്നാണ് പുറത്തുവിട്ടിരിക്കുന്നതെങ്കിലും ഇത് യഥാര്‍ത്ഥ പേരല്ല. ഇയാള്‍ക്ക് നാലു ഭാര്യമാരും പന്ത്രണ്ട് മക്കളുമുണ്ട്. ഗാര്‍ഹിക പീഡനത്തിന് ഷേര്‍ഖാനെതിരെ ഭാര്യ കേസ് നല്‍കിയതിനുശേഷം കഴിഞ്ഞ രണ്ടു വര്‍ഷമായി ഇവര്‍ അകന്നു കഴിയുകയായിരുന്നു.

ഇപ്പോള്‍ ബാന്ദ്രാ കോടതിയില്‍ കേസ് നടന്നുവരുന്നതിനിടയിലാണ് അവര്‍ പുതിയ കേസ് കൊടുത്തിരിക്കുന്നത്.
ഷേര്‍ഖാനെതിരെ മുംബൈ നിര്‍മ്മല്‍ നഗര്‍ പൊലീസിന് നല്‍കിയ പരാതിയില്‍ ഇന്ത്യന്‍ ശിക്ഷാ നിയമത്തിലെ 292എ വകുപ്പിന്റെയും ഐ.ടി നിയമത്തിലെ 67, 67എ എന്നീ വകുപ്പുകളുടെയും അടിസ്ഥാനത്തിലാണ് കേസെടുത്തിരിക്കുന്നത്.

കിഴക്കന്‍ മുംബൈ സ്വദേശിയായ ഇയാള്‍ രക്ഷപ്പെടാന്‍ ശ്രമിക്കാതെ പൊലീസുമായി സഹകരിക്കുകയായിരുന്നു. കോടതിയില്‍ ഹാജരാക്കിയ ഇയാളെ റിമാന്റ് ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha