പത്താന്‍കോട്ട് തീവ്രവാദി ആക്രമണം നടത്തിയവര്‍ക്കെതിരെ അടിയന്തരവും കര്‍ശനവുമായ നടപടിയെടുക്കാന്‍ പാക്കിസ്ഥാന്‍ തയാറാകണമെന്നു പ്രധാനമന്ത്രി നരേന്ദ്രമോദി പാക്കിസ്ഥാന്‍ പ്രധാനമന്ത്രി നവാസ് ഷെരീഫിനോട് ആവശ്യപ്പെട്ടു. ഇന്നലെ ഉച്ചയ്ക്കുശേഷം നവാസ് ഷെരീഫ് ഫോണില്‍ വിളിച്ചപ്പോഴാണ് നരേന്ദ്രമോദി ആവശ്യപ്പെട്ടത്. ഈ ആക്രമണത്തനു പിന്നില്‍ പ്രവര്‍ത്തിച്ച സംഘടനയെയും വ്യക്തികളെയും കുറിച്ച് വ്യക്തമായ വിവരങ്ങള്‍ പാക്കിസ്ഥാനു നല്‍കിയിട്ടുണ്ടെന്നു ഷെരീഫിനെ മോദി ഓര്‍മ്മിപ്പിച്ചു. ഭീകരതയെ നേരിടുന്ന കാര്യത്തില്‍ പാക്കിസ്ഥാന്‍ എപ്പോഴും ഇന്ത്യയോടൊപ്പം ഉറച്ചു നില്‍ക്കുമെന്നും നവാസ് ഷെരീഫ് അറിയിച്ചു. പത്താന്‍കോട്ട് ആക്രമണത്തിനു പിന്നില്‍ പ്രവര്‍ത്തിച്ചവരെപ്പറ്റി ലഭ്യമായ വിവരങ്ങള്‍ ദേശീയ സുരക്ഷാ ഉപദേഷ്ടാവ് അജിത് ഡോവല്‍ പാക്കിസ്ഥാനിലെ ദേശീയ സുരക്ഷാ ഉപദേഷ്ടാവ് ലഫ് .ജനറല്‍ നാസര്‍ ജാന്‍ജുവയ്ക്കു തിങ്കളാഴ്ച കൈമാറിയിരുന്നു. 15ന് ഇരുരാജ്യത്തെയും വിദേശ കാര്യ സെക്രട്ടറിമാരുടെ ചര്‍ച്ച നിശ്ചയിച്ചിരുന്നതാണ്. പത്താന്‍കോട്ട് ആക്രമണത്തിന്റെ പശ്ചാത്തലതത്തില്‍ ചര്‍ച്ച നീട്ടി വയ്ക്കാനാണ് സാധ്യത.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha